Thursday, April 16, 2009

又來山水夾天下

澳門無山無水行

行到腳跛!奉勸各位聖駕轎夫們,去澳門,記得埋帶私家車!(我仲一直瀉左兩日,你話點唔腳軟!)









無車仔,所以無買手信。

思考禁區

(又提?)查實呢,我都知道自己有思考禁區架,呢個係長年累月經「培訓」底下形成既,要發現佢地真係唔容易,甚至係巧合。

至於思考禁區係詳情點,最好問下Bravo啦。

據我理解,思考一般係有規律既,雖然未必係邏輯性,或者一定係按部就班,但亦可以係一幅幅畫面。有規律既思考固然幫助理解,無規律既思考亦有帶來創造性的好處。有規律,自然可以有外力干擾這些規律。所謂思考禁區,或許就是這些干擾。(好像轉了白話文...)正如二戰集中營的猶太人、納粹工作人員,都也有思考的禁區(如Helplessness),導致思考不能再流水行雲。

因為心理因素而導致思考禁區的形成,應該算是最普遍的。(恐懼或許屬其一。)不過,思考禁區對於某些人,還是有正面作用的,其中一個好處就是避免cognitive disonance。人的自我保護機制,會因應「外力」是否過強而蓄意令某些思考規律避免觸碰到危險,從而保持人腦其他部分繼續「正常」運作。

民建聯與老人團

今早見欄杆掛著民建聯邀約長者旅遊的海報(或廣告)。

我突然明白,相比眾所謂民主派,為何民建聯如此得民心... 一個政黨/團體若能照顧老人所需,能夠代他們子女提供他們沒有閒暇提供的歡樂,為年老父母們招聚朋友... 當父母說,係呀,佢地好好架,又點點點照顧我呀,扶我上車呀... 鐵票咪就係咁累積返黎囉。(我估)

山水話

唉,點解淨係得果個人稱IQ零蛋的小黃蓉會明白我呢... 難道癡癡呆呆,真係要坐埋一檯...


聖人不死大盜不止

素知人難評,多元多樣多變,見表不見內。輔以例子證據樣辦來評價一個于己無關的人,又實在過於勞心勞力。

惟早前曾提到一人,有空真想給他寫封博中信。

至於副題八字,小弟其實不明所以,借題發揮罷了。

19 comments:

Anonymous said...

唏,不如你唔好用「思考禁區」,轉用「思考模式」或「背後 價值/文化 觀」代替喇。

即係,以文化黎做例子,係社會既層次黎講,你叫鬼佬思考「燜」、「燈」、「哎」、「蒸」既烹飪技巧,佢地根本係諗唔到。衣個係文化限制,佢地根本冇咁既技術;更甚者,佢地都冇咁既字彙。

題外話,我都冇衣d concept,所以打錯曬d字...仲要離題添...。不過,我一路更加「關注」既係,blog唔係好好既討論平台。因為,好多時衣種「鬆散」既討論之下,每個blogger講既每個字背後都可能有某個假設/特定指涉,又或某些只有睇開既人先明既概念。所以,blog,唔係一個太好既討論平台。

(當然,其實我地係日常生活都要面對衣個問題。例如,有人同我講「民主派」點點點,我都想先問佢﹕你講既「民主派」,包唔包括基哥先﹗衣個,係語言既限制;日常討論較易解決。係blog上,較難。)

*********
又,丫,你唔係我個邊既長期讀者呀呵﹖

我早兩三年前寫過「香港政治大中迷思」。雖則,好似爛尾,淨係寫左六七個,不過,其中一個就係講旅行團﹗

即係,民主派都攪,公民袋都攪,社民都攪,長毛早兩年開始都有民主蛇宴,囉。

*********
又,「有空真想給他寫封博中信」﹖係米想寫比我﹖係米有姐姐介紹比我識先﹖^^

~goethe

bittermelon said...

是你的女兒嗎?很可愛呀!

Juicy Runners said...

部Panasonic D相影得唔錯~!

C.M. said...

德哥:

呢,思考禁區,Well,當然可以唔用,但又,可能真係跟思考模式背後價值文化觀唔同意思喎。

不過咁,你話「每個blogger講既每個字背後都可能有某個假設/特定指涉」我就非常同意,所以我亦唔能夠去得太「盡」。(查實我自己本身對於各回應已經考慮過幾套假設,只係冇寫出黎咋,惟有就住明顯並估計比較少假設既地方回應架)

********

所以呢,我響民主派前面加左「所謂」啦

********

拿,長期又點定義先... 兩三年前,玩咩。我仲有成126篇響手,唔知點處理。

查實我真係想你講下我個觀察點架。坦白講,我係剛剛先親身體會到(之前可能因為俾你荼毒,又俾大力兄熏陶得多),原來社區工作,就算係只係提供服務俾未必投票既人,對於選票都有頗大既影響力。

********

若果係姐姐仔,你係咪真係想我公諸同好先,定係你想我私底下過俾你呀?(你開句聲就得勒) ^*

C.M. said...

苦瓜兄:

係呀!小弟之長女也。而幼子呢,就在某相某處。(搵到無獎。)

昂兄:

...等陣,你點知道係Panasonic!? By Width and Length?

仲有,係咪真係影得好先。若果係,查實唔關部相機事,關個影相佬事。

Derek Greyhound said...

CM兄

你的女兒很標緻!

第一大黨的網絡強勁而且緊密,等閒人潑水不入,要打入,其實十分困難,此所以其他政團往往無從入手的原因.竹筍這方面做得較好,但只限深水埗區.

近況好嗎?

Juicy Runners said...

因為... 我見到大佬你...

星期六同星期日呀。

seikomatic said...

民建聯與老人團

今早見欄杆掛著民建聯邀約長者旅遊的海報(或廣告)。

我突然明白,相比眾所謂民主派,為何民建聯如此得民心... 一個政黨/團體若能照顧老人所需,能夠代他們子女提供他們沒有閒暇提供的歡樂,為年老父母們招聚朋友... 當父母說,係呀,佢地好好架,又點點點照顧我呀,扶我上車呀... 鐵票咪就係咁累積返黎囉。(我估)

___________________________

俺媽唔知陳監欖做過咩就話要吮佢,連續吮左兩界,到監欖唔做又要吮佢個接班人,咁q又系姓陳。果句監欖好呀,好照顧d老人家,俺聽到就火都泥埋,言下之意即系俺唔 L 照顧你啦? (原句直輸) ,自此俺多個理由支持長毛癲狗症
__________________________

細佬呢,濕疹好番味,俺大概可以想象到夫人個樣….

C.M. said...

大力哥哥!

犬女在小弟眼中真的... 哈哈哈。嗯,多謝。

聽你如此說,似乎第一大黨之強勁網絡更是多年累積建立而成,等閒政團要入手,似乎需要所謂「創新」,只可智取不能硬碰。若智取,我想第一大黨反應快,而且了解民心,行之不易(鎖你,小弟大隻講也)。

你曾提過竹筍在SSP比第一大黨佔優,何解?記憶中未曾聽你提及過詳情。不過又,第一大黨既會敗於竹筍,那自然有其弱點。

小弟近來還可以,只是小病痛不少。你呢?你投身教學工作,小弟敢感代學生們多謝你。


舞吧,大佬昂!

幸好及時向你求證,否則小弟將留言錯殺良民。下次見到小弟,定當親自介紹犬女鼠子讓你認識。(說不定我正狠狠跟兩惡男女大打出手)

精工:

嘩,原來真有此事!橄欖佢真係攞老命,坦白講,頂唔順,好彩老陳唔係響我選區。後生果個,越睇越唔適合。(唏,你都唔明,尼媽既意思係,佢仲未係老人家呀。)

又,阿仔濕疹好番好多,你咁都記得,好有心。我呢個老人家一定投你票。

Juicy Runners said...

跑吧! 昂!

GK said...

你個女咁大個嗱!時間真係過得好快!
如果我做政黨,就會搞多D兒童活動,家長開心之餘,亦可從小洗腦,培育未來票源,打造長遠根基!

C.M. said...

舞昂兄:

等吧! 昂!

江兄:

可能食得打針雞多,真係好快大。。。

咦?你條橋,諗得過喎,若果要吸引基層既票源,辦托兒所或者補習社應該有作為!

Anonymous said...

喂,你Social psychology + Psychoanalysis 都運用得出神入化,好好psychological mind :P

Bravo

C.M. said...

Bravo:

Where have you been? 我用我僅有既telepathic power都搵你唔到。 :(

Anonymous said...

最近身體麻麻,可能有少少OSA,睡極都頭痛,努力忙完要大修吓(不可再拖!)。你最近如何境况?
Bravo

C.M. said...

OSA? 鼻鼾好勁乎?不過呢家野又真係check check穩陣d。

唉,我就前排忙完,依家又再為俗事(都係 "household admin. work")奔走,無時停。

你保重身子呀 Bravo兄。

C.M.

Anonymous said...

C.M.兄,
係呵!我唔肥,但近幾個月,一入睡片palate就好似落咗簾咁,跌咗落來。不算太嚴重,但已大大影響日間運作,希望快快清理好最唔等得的工作,立刻大修!你個女大得好快,你就開心啦,多咗個女朋友仔 :P
Bravo

C.M. said...

哈哈,Bravo,

我有位女性朋友佢都有OSA,佢都係一d都唔肥。連你都察覺到塊palate跌落黎,睇落真係幾嚴重。真係要快快搞返掂佢呀。

嘿,我個新女友呢,天,真係日日都掛住佢,掛到連我自己都覺得過分。到有日比佢飛起我肯定喊到阿媽都唔認得... 天意弄人...

C.M. said...

http://doctorfat.wordpress.com/2009/08/03/%e5%be%9e%e8%87%aa%e5%8a%a9%e9%a4%90%e8%b6%95%e4%be%86%e8%a6%86%e8%a8%ba%e7%9a%84%e4%bc%af%e4%bc%af/