Wednesday, April 23, 2008

唔睇醫生都唔知...

呢幾日頭暈到死,想嘔,但無發燒。原本諗住琴晚或今日中午回覆一下 d 留言同伊瞄,但因為體況緊張,個腦仲實曬,唯有等多陣先。

今朝頂唔順,但因為有急件要出,所以唯有撐住。到左下晝,覺得都係請假睇醫生穩陣 d。

話比醫生聽,我頭暈左幾日(琴晚仲係電話比人激親添),個地下好似會郁咁,隻右耳幾個月前開始聽到有雜聲...

好勒,量血壓,正常(卦)。探熱,冇發燒。

跟住睇下右耳。(嗯)左耳。(嗯)

醫生問:你記唔記得你細個有冇發過高燒呀?

病騾答:唔知呀,淨係聽講好似試過肺炎。(點鬼知呀)

[呢刻寫寫下都頭暈,以下從簡]

醫:查實你兩隻耳膜都穿過個播,其中右耳復原仲冇左耳咁好添。以前你兩隻耳都應該患過中耳炎架。

病:下?(難怪依傢好多時我都左耳入右耳出)

20 comments:

K said...

嘩! 您唔係呀o麻!點解出了兩個一模一樣的post????

以下乃係我唔rewrite, 大家一定睇唔明:

體況=身體狀況
琴晚仲係電話比人激親添=琴晚仲係同人傾電話時俾那個人激親

西醫曰:中耳炎或者耳水不平衡
中醫曰(據我的家庭中醫教落):個肝同腎有問題, 例如熱毒; 疲勞以及精神緊張有關。

點解我會知? 因為我一直聽覺有點問題, 間中"vv"聲兼有時會頭暈, 睇西醫話我隻耳有事(但唔係中耳炎), 可能係耳水不平衡; 但中醫話, 嘿! 個腎有很重熱毒呀! 要排下; 依家呢, 聽野有番8成(但還有2成未好)。

Anonymous said...

對唔住囉!下次會小心啲講嘢架喇。 =P

ah-yun said...

"難怪依傢好多時我都左耳入右耳出" <-- 頂!!

唉﹐保重呀你﹐仲後生咩……

:P

英倫肥龍 said...

保重休息呀~

Juicy Runners said...

大佬, 保重!

Anonymous said...

好多人耳仔有事,我呢就好過你,只係右耳耳膜穿,所以人地聽既野我係有入無出。

中耳炎好難根治呢,保重。

K said...

忘記送番您呢番話:
保重身體, 最重要的係: 請勿太操勞, 緊張和過分勞氣。

身體係您自己的, 記住呀!

Morca said...

我朋友患過中耳炎,手尾好長...

seikomatic said...

呀惦解會無啦啦穿耳膜既,游水?穿左可以補架聽講。

中耳炎系咪耳緒不平痕?

聽講耳緒不平痕會好暈....

左耳入右耳出好似無腦多d喎。

你見到咱們d字會唔會好暈,不如請幾日假專心寫 blog啦。

耳仔今日就話罷工姐,最怕平時唔聲唔聲既(器官)第日又有樣學樣。多d休息啦。

Hana said...

"難怪依傢好多時我都左耳入右耳出"
恭喜cm哥哥終於EQ大躍進!

真係耳仔病就要醫好佢了,保重保重!

Derek said...

我都怕自己唔知係咪有暗病,成日刷完牙係牙縫有d黏液走出唻。

但其實時間就冇,咁冇理由留低俾醫生驗架,咁鬼核突,我又唔係萊溫斯基=.=

安諾勿斯 said...

cm兄,身體要緊,保重!

L L said...

耳聰目明呀,保重,保重!

Anonymous said...

那又不用太擔心…絕大部份的急性中耳炎沒有後遺症,真的導致耳膜穿了的個案其實只佔非常少數。

你的醫生檢查得非常仔細,理應讚讚他呢!

大家都開始年紀大了,真的要保重身體…

C.M. said...

謝謝各位。曾幾何時,我也曾想象過,假若有天醫生告訴你,原來你身患罹疾,我會有怎樣的反應。雖然今次性質不同(唔知應該點講,請諒),但原來我係會加倍留意我呢個特徵(i.e. 耳膜)。以前我估計我可以好放鬆,處之泰然。雖則,我就唔係好驚,只係回想番就覺得好好笑。

醫生話我右耳好明顯有個“針孔”咁樣既"la"(疤痕卦),而且好薄。而左耳撻la就好好多,亦無咁薄。兩隻耳膜都已經變左啞色,冇哂光澤,即係代表曾經受過傷。

Karen:

VV聲就無(好唔耐都有),不過有雜聲,頭痛。醫生話我有可能“耳水不平衡”,但未證實。(好麻煩既咩?)多謝你。

阿蓉:

你知就好啦!

阿云:

>>"仲後生咩……" <-- 頂!!

龍兄(用拼音打呢兩個字有意想不到既效果):

一定。人地都話唔後生咯。

On兄:

多謝你關心。收到你空中傳來的問候,謝,暈,所以未覆,歉。

香妹:

估唔到原來我咁好彩,細細個就好番,依家都未聾哂,仲有大條道理話自己選擇性失聰。

Morca:

醫生話可能會番發喎,仲比左個清單我(口講)叫我有咩要小心。(洗頭要塞棉花,游水要戴耳塞,唔潛得水,尤其右耳要小心...唉)

精工:

醫生話我細個曾經患過中耳炎,因為當時醫學無咁昌明,所以可能以為只係普通發燒。

佢話補唔係唔得,不過我個情況就唔洗。一黎,就算補左,但因為果塊皮膚始終無耳膜咁有彈性,所以無咁好。

佢仲講,我右耳聽覺會比其他人早退化,例如人地80歲退化,我就70歲(嘿,查實佢意思係想講人地60歲,我就四五十就開始。)

>>"左耳入右耳出好似無腦多d喎 "<-- 係咪黎踩場亞哥哥仔!

唉,我會比心機多d休息架勒,多謝你。(希望老闆聽到)

冰冰:

>>"終於EQ大躍進" <-- 嘩,係潮流興落井下石定係我人緣太好呀究竟。

Derek:

d黏液查實係咪口水黎咋... 搵日睇醫生既時候問下都可以卦。

安兄:

多謝,大家咁話。(話時話丫,你kong女果筆應該比我更手尾長。)

劉兄:

我都唔想眼懞耳聾...唉。多謝多謝。

醫生:

>>"真的導致耳膜穿了的個案其實只佔非常少數" <-- 但願如此,今代人有福了。

>>"你的醫生檢查得非常仔細,理應讚讚他呢" <-- 講開又講,查實我由細到大睇左佢成廿幾三十年,呢次真係最詳細。足15分鐘。以前未試過。

>>"大家都開始年紀大了,真的要保重身體…" <-- 拿,呢樣我建議你唔好認住勒,等多十零廿年先喇。大把人要依賴你。

Anonymous said...

成家人都係聾耳陳?

C.M. said...

唔係連你都有份下化...

Anonymous said...

你說的是.

怒火眼睛 said...

保重呀, 女細老婆嫩丫嘛.

C.M. said...

阿五: 嘿,原來我有個伴。

怒眼媽媽: 嗯,你都係。想問:你仲係咪以前既你?