Thursday, September 11, 2008

格價疑問

從識得用 Feed Reader 訂閲明報新聞之後,就日日都資訊滿瀉。

明報港聞其中一個比較「親民」的報導,就是明報格價消息(自《明報格價網》)。 個人並沒有特別留意這些格價消息以適時通知有關人等搜購所謂平價貨品。根據印象,明報所謂的即時格價消息,只集中於三數間大型超市,並每天只會報導其中十款物品。早前,價錢較平的物品的種類(以報導計),惠記一向勝過百記。但近日,百記則反超前。

不敢肯定,這些所謂格價消息能讓多少人受惠,對於我,就肯定沒大作用。(其實千千萬萬人都曾經指這些格價工作有幾「多餘」,不贅)但接觸多了,忽然想八卦一下,有否超市行家或超市格價員,會對格價網的報道認真呢?

而且,究竟百記會否因應格價網的「不利報道」而調節價格呢?

又,其實超市會否利用這些「不利報道」而向供應商壓價呢?

又又,究竟同時向各方超市供應貨品的入口商,又會否被眾超市聯手壓價呢?

又又又,格價網查實是否由超市背後贊助,以協助超市向入口商壓價呢?

20 comments:

C.M. said...

哎呀,成個思路都錯曬,超市個business model唔係一買一賣架!

不過又,若果格價網可以間接逼使供應商減價,咁,貨品減價係咪可以吸引更多人黎超市幫襯呢?尤其係,果d被格價既貨品根本只係超市所有貨品既九牛一毛... 唔...

篤篤篤撐 said...

明報搞格價 ?
佢既讀者有幾多會格價然後行多幾步/幾個站去買野呢 ?
好似我, 每次買野唔多
屋企附近有邊間就去邊間

明報搞黎做乜 ?

K said...

呢個topic, 開正我做procurement呢瓣!

明報同消委會好有心, 知道通脹持續, 百物騰貴, 但係超市卻掠水唔駛本, 在一片減價聲中仲加價, 於是整個格價網幫下各位市民格價。

>>超市個business model唔係一買一賣架!
應該咁講: 超市提供有冷氣和舒適的環境俾消費者購物, 仲要整到貨架好齊整, 但由於夠財力, 可以bulk purchase, 集體運輸和存倉; 消費者有權去超市買o野, 唔去超市買o野都得, 但缺貨時無得賣俾您, 以及有少部分產品只有超市有得買。

>>明報搞黎做乜?
引多d讀者睇囉!但係一d唔上網的人而言, 無乜作用。

不過, 明報淨係比較三間超市(消委會較為地區性之餘, 亦包括埋藥房和雜貨店等), 作用唔大; 一來不少貨物仲貴過街市, 藥房和雜貨店(一件罐頭, 一支沐浴露甚至一包即食麪就係喇), 唔全面; 二來淨係比較三間超市, 只係一般的超市比併, 好多時貴就一齊貴, 但好少一齊平; 三來種類太少, 比較的物品未必每一件係您會買的物品; 四來其實惠記同百記各自有格價員, 互相格價, 但可能大家私下有協議, 今次您平一兩種貨品, 下次我平一兩種貨品。

>>究竟百記會否因應格價網的「不利報道」而調節價格呢?

睇下係甚麼貨物吧, 見過佢地係會企硬個價; 就算係減, 減一兩毛錢。

>>究竟同時向各方超市供應貨品的入口商,又會否被眾超市聯手壓價呢?

應該咁講: 超市所擺的貨物, 入口商/供應商必須俾貨架費; 另一方面, 超市大量入貨, 三間超市會一定會向入口商/供應商壓價, 攞discounts或推出優惠, 若然唔肯就範, 就大幅減少入貨, 然後超市用群眾壓力(如所有超市無貨, 向超市投訴等)逼入口商/供應商回應; 由於係大生意大金額, 入口商/供應商只好忍氣吞聲, 轉而向一些小商戶俾discounts多少少(因為小商戶係無貨架費)。

>>格價網查實是否由超市背後贊助,以協助超市向入口商壓價呢?

唔排除會。

不過, 以思媽和一般師奶為例, 她們買餸買o野係唔會去死一間商舖和去超市, 係走勻兩三個屋邨, 成個區, 甚至跨區!

(唔信, 問下d師奶啦!, 再唔係, 問埋我呢個慳妹都得!)

Anonymous said...

using a novel story as the ultimate truth, with bs like dividing up biscuits indefinitely or whatever lie it is, I would feel safer that the "factual" history I learned are actually different than the fiction broadcasted by the almighty brainwashed crowd.

Oh I must say I really feel very very thankful that you are such an understanding person. Oh my god. I really do. But since rumor has it even the yoshinoya boy is a christian, I am getting a bit confused about how I should interpret the Bible.

Maybe some genuine evangelicals can give me a hand here?

C.M. said...

篤撐兄:

>>明報搞黎做乜 ?

真係木宰羊,小弟從未嘗試了解過。格左價果d好多都唔係我日常需要既。而且,alternatives好多,唔係一定要買果款牌子。

Karen:

>>超市個business model唔係一買一賣架

小型超市就會一買一賣。但大型超市或者係曼玲屈人市佢地好多貨品都採用類似「寄賣」既形式,要比所謂「上架費」。呢類貨品就算賣唔曬,供應商都要收番多餘貨品。超市唔需要承擔賣唔出要割價清貨既風險。

(頭暈,待續)

K said...

阿哥, 成班blog友包括我都叫您去A&E睇醫生照X-光, 您又唔聽, 嗱!又頭暈啦! 出事嘞!

您今次真係"吃虧在眼前"呀! 又唔記得一家大細等您養呀!

諱疾忌醫, 誤了診療期, 命仔可能凍過水o架!

K said...

仲有, 順祝您一家大細中秋節愉快! 家好月圓。

C.M. said...

(嘩,呢排成日無啦啦暈浪呀)

Karen:

>>消委會較為地區性之餘, 亦包括埋藥房和雜貨店等

係啫,但都只係杯水車薪。

>>但可能大家私下有協議, 今次您平一兩種貨品, 下次我平一兩種貨品。

咁會唔會比自己公司話串通外人嫁...比人發現都幾係...

>>問埋我呢個慳妹都得!

嘿,咁口響,到時忙死你呀!

(我唔係諱疾忌醫,只係知道生死有命遮)

祝你中秋愉快!

christina,

Agree! There are "factual" history out there. It's really a gift to be able to identify who is telling the history factually while others are not. I wish I have this gift. Do you think if I could earn this gift by learning more about stereotyping, heuristics and anything about the misunderstandings of this world?

I do have problems interpreting the Bible myself. Therefore, I do have reservations when someone names himself a Christian. Like you, I would feel safer with "factual" history too! Um, it's good to see we do have lots in common. :)

(Can any other genuine evangelicals give christina a hand?)

Wish you enjoy your Moon Festival!

佚名 said...

自己格價都得啦...屋企附近有百佳、惠康、華潤、佳(寶)...雜貨鋪、士多同藥房都有好多...但唔係全部都近屋企...都分開幾個地方。

其實只要平時多d留意下貨品價格,基本上佢地格價有咩改動都即刻知既,但我好耐無留意過la...忙+懶:p

格價是否重要,都有其用處...如果你懶得去理會...都不失係一個途徑...但它格價是否「完全流通」就是一個問題!「格一間又唔格一間」,資訊可能有誤導成份呢~

小女子 said...

咪又係奸商作業 ... 做賊喊賊 ...

Haricot 微豆 said...

Here are my criteria for deciding where to shop:

* Time is money: I don't want to waste time and gas and shop all over town just trying to save a few bucks.
* Support neighbourhood stores: I want to give local stores business so they won't close down. They are there for convenience even if it means I have to pay a bit more.
* Quality: Price is not everything. I want value for money.
* Price: Again, I won't go out of my way to save just a few dollars. But if there is a big sale on and I need the stuff, I will make the trip provided it is not too costly and time assuming.

Lastly, I rely on info from flyers as opposed to media reports, unless I am buying big ticket items such as vehicles. Then I will really do a lot more research on-line.

K said...

>>係啫,但都只係杯水車薪。

無錯。因為消委會本身唔夠人做, 區內舖頭同超市多, 超市減的貨品一樣多, 但係格得價泥都過o左妙(一個星期後, 個價都唔同), 無乜用, 所以, 呢d野係親自做至知。

不如咁, 叫阿Moon做一日實驗: 搵一日她打算買一罐粟米湯, 要求她不只去屋企樓下的超市格價, 去埋屋企隔離的屋村/屋苑的雜貨店、區內超市(記住係樓下的超市對手)格價, 結果係.....幾奇怪下!

當我放假買野食回家煑(特別係乾貨食物), 就會拿著手推車, 唔止去屋企樓下的百記格價, 就係去屋企隔離的屋村/屋苑的雜貨店、大記同惠記格價, 間中在Y記都有平野賣(如生果)。

>>嘿,咁口響,到時忙死你呀!
好呀! 等我放假出去買野順便call埋moon姐一齊格價囉(不過, 我同您唔同區噃! 遠水點救近火哩! 哈哈)! 頭先講的, 正是我同一眾師奶的一眾心得。希望幫到您地啦!

最好的方法, 係阿Moon唔好局限屋企樓下買o野, 但係現時她係未必做到(原因係: 要湊一對仔女嘛! 無人照顧噃!), 除非有家人、親友或者有傭人幫她。

>>咁會唔會比自己公司話串通外人嫁...比人發現都幾係...

這是公開的秘密。咁您會踢爆佢地咁做嗎?

>>我唔係諱疾忌醫,只係知道生死有命遮
藉口!雖說生死有命, 但係您都想睇住對仔女長大成人, 阿moon繼續陪您, 我地呢班人繼續同您吹水吧?

身體係自己的, 唔好做「見暈大師」喇! 快d去A&E睇醫生照X-光吧!

(今次我認真地同您講o架)

佚名 said...

C.M:
成日「見暈」真係要小心d ar!!去A&E啦!!乖啦!

佚名 said...

C.M:
中秋節快樂!

C.M. said...

小佚:

>>資訊可能有誤導成份呢~

查實九成九資訊都可以產生誤導成分架,所以唔洗太上心既。

小女子:

如果唔係點搵大錢?!(不過呢個case 我都係亂咁估遮)

Haricot:

Vow, you shop very rationally! It's a blessing that you care time more than money.

Karen:

多謝曬你。到時搵日買餸call埋你。(Hehe)

我呢... 應該係有少少感冒遮。(可能冷親卦)

*************

祝大家中秋節快樂!

佚名 said...

C.M.:
資訊可能有誤導成份呢~
查實九成九資訊都可以產生誤導成分架,所以唔洗太上心既。
-->因為資訊「非完全流通」ma~上心開頭啦:P

K said...

補充:
消委會格價被指無用: 有學者則批評消委會調查只能蜻 蜓點水式報價,未能反映價格趨勢:「格價結果過一兩日就冇用。」

節錄如下:

「 鬼 唔 知 超 市 貴 咩 , 但 我 地 附 近 淨 係 得 超 市 咋 ! 搵 士 多 要 行 落 條 長 命 斜 架! 」 不 少 市 民 像 石 排 灣 居 民 李 太 般 , 家 居 附 近 的 雜 貨 店 早 已 不 敵 大 型 超 市 而 遭 淘 汰 , 只 好 「 焗 住 」 買 貴 貨 。 香 港 仔 居 民 林 太 則 不 滿 , 消 委 會 格 價 調 查 宣 傳 不 足 : 「 佢 地 擺 格 價 結 果 上 網 , 我 地 班 阿 太 好 少 上 網 喎 ! 」

張 先 生 早 已 慣 於 藥 房 購 買 洗 頭 水 等 , 但 坦 言 與 消 委 會 格 價 無 關 : 「 藥 房 賣 野 平 d 一 早 就 知 啦 , 使 佢 講 咩 。 」 他 說 有 關 格 價 調 查 只 顯 示 某 區 當 日 價 錢 , 日 後 再 看 已 沒 用 處 。

中 文 大 學 市 場 學 教 授 冼 日 明 表 示 , 貨 品 價 格 常 變 , 消 委 會 每 次 格 價 結 果 , 過 一 兩 天 便 沒 參 考 作 用 , 而 且 該 會 每 次 格 價 貨 品 略 有 不 同 , 未 能 總 結 反 映 價 格 趨 勢 : 「 浪 費 晒 之 前 做 既 野 。 」 天 星 藥 房 負 責 人 鄭 先 生 說 , 20 多 年 來 都 靠 薄 利 多 銷 經 營 , 光 顧 的 多 是 熟 街 坊 , 年 輕 一 輩 多 被 超 市 廣 告 及 寬 敞 門 面 吸 引 。

佚名 said...

karen:
適者生存,淘汰弱小啊!唉~
不敵超市大隻佬
呢幾日去朋友新居,數就快人伙,百佳已經整裝代發,出市,驚死一眾新居民買唔到日常用品啊!

K said...

佚名:

我替您的朋友可憐, 新居入伙後就要捱貴野!

佚名 said...

karen:
我替您的朋友可憐, 新居入伙後就要捱貴野!
-->佢住九龍灣...所以都有舊區百貨買既...但要行好遠...佢應該無心情行ga la