Saturday, September 20, 2008

(Rise of) Institutions

呢排超級腦震蕩。

撞車未暈完,要做 Proposal,仲要死頂修改一萬次既 client work ...都未完,選舉後感又湧埋黎,湧湧下再搶奶粉,啱啱先完成某個 simulation training(個大綱)... 個 schedule 密到呢... 我仲想 keep 住寫閲讀報告架...

不過咁,好彩多得咁多貴人,令小弟省卻好多思考既煩惱,多謝各位賜教。

今日見到阿米爸果篇《乜都有毒》,多謝!令我想補充 Incremental Mobility Model。(查實我又想膽粗粗用 Entry Barrier 甚至 Porter's 去連貫某d missing links囉)

(不過見依家成三點,涼都未沖,都係留番聽日再講...... 唉,我要逐日飲曬d 雞精佢呀陰功)

我想試下講 Institutions. (查實係一種我完全唔熟悉既野。)

***********************

幾年前係一間國內五金廠幫手做質檢,負責一d 簡單野。

有日以超值價新請番黎既小肥,走黎問我呢個工廠有冇依照行業指引做。

先講下小肥,佢有 ISO 底,之前做開錫罐鐵罐(例如曲奇餅罐),雖然(記憶中)好似唔係大學本科畢業,但呢個後生好有衝勁,求知欲強之餘,仲唔似班老師傅咁淨係鍾意玩權術。佢係首位令我肅然既中國新一代。

講番佢個問題。我話冇。而呢間廠做低技術五金工具比一般家庭,所以要求好簡單,你同我都睇得倒咩叫質量,唔係高科技野。

佢就質疑查實係咪間廠冇遵守行業規則呀,冇理由會冇格。佢話好似制罐咁,因為唔可以俾d空氣走入或漏出個罐,所以封邊個要求受到行業規範。(按:鐵罐查實係「捲」出黎既,捲完之後,就將鐵皮既兩邊「摺」埋一齊,唔洗落膠水都可以造到密封。又,對話印象中,小肥講既係「行業規範」,唔係法例要求。)

我就跟住同佢一齊討論咩叫「行業規範」,ISO 同法例有咩分別,我最後叫小肥,不如我各自返去自己諗下,聽日再傾。(再按:當時有位在場既會計妹妹事後同我講,話我地好似鬧交喎。)

之後果日... 嘿。(想講咩... 嘿)

***********************

據我個人非常有限既理解,國內其實有唔少由行業內各企業聯合組成行業「協會」。成立「協會」的目的,就是為了合力推動行業在市場的發展,例如以其「專業名聲」推出產品認證(想快速了解行業協會有咩作用,可參考呢度)。而其中,就有「中國奶業協會」。

香港有無數呢類協會,但同國內似乎有少許分別,就係國內既協會,多數由企業組成,但香港則唔少由「個人」或個別專業人員組成。先不論呢個分別,成立行業協會既目的,始終一樣,就係匯聚同業,一齊擴大市場個「餅」。其中一個手段,就係建立專業形象,例如通過提供優質服務,或以專業產品認證來確保同業產品質量。

呢d行業協會,可以算係一種比較狹義既 Institutions。

以歷史發展黎講(例如可參考 Wiki介紹果本:Institutional Change and Economic Development),經濟性歷史事件對於一個行業有越大既衝擊,Institutions 就會轉向「強化」,以免整個行業完全被淘汰。

雖然政治情況可能會左右 Institutions 強化的方法和進程,而 Institutions 本身(尤指由人主動成立的,即狹義Institutions)亦會受其 decision-making process (微觀)影響,但一般來說,保護和促進行業利益,乃 Institutional development 的基本推動力。

***********************

於我,「也許」態度比米搞兄樂觀,「大概」因為性格使然。

不過,今次三聚氰胺(Melamine?)事件,跟孔雀石綠、豆腐渣工程,在 Institutional Development 的角度,有明顯的分別。

這個分別就是,三聚氰胺可以顛覆整個奶品行業的將來,但孔雀石綠和豆腐渣工程則不可以影響漁業及建築業的將來。

再深入了解各方面,例如從品牌依賴性、是否包裝產品、需求、受影響階層的廣泛和深入程度等等,就可以看出三聚氰胺與孔雀石綠豆腐渣等在「社會衝擊程度」上的分別。

之所以強調「衝擊」,因為只有大的衝擊才可以推動一個懶惰的行業再次進步。

正如國內的漁業協會建築業協會等類似組織,相對中國奶業協會,對於自家行業「所能作出」(而非「已經作出」)的貢獻明顯地是非常有限。

中國奶業整個出路,若只單靠政府監督、發牌,雖然必須和關鍵,但也長路漫漫。而且,最重要是,倘若將來任何一個奶業中人,再引發一次新的三聚氰胺事件,奶業將只能依賴消費者的依賴性續命,而不能把奶業進入新的層次,甚至跳出中國。

Institutions 於我,並唔單止係一所能夠自我監督既單位。最重要係能夠自我反省。尤其經歷大衝擊。

我相信任何人,縱使曾經埋沒了良心,但遇到重大衝擊,一定會反省。衝擊越大,反省越透徹,無論反省過後又有多少人會真正的找回良心,但始終,一定有,也一定比沒有良心的更有魄力去展現良心,還會集合其他有良心的人,去推廣良心。

這就是我所認為 Institutions 能夠在大衝擊之後會自我反省的原因。

中國奶業協會相對其他類似協會,因為有行業龍頭企業聯合組成(而且並非壟斷性龍頭企業),所以「理應」會更關注自身行業的將來,亦會加緊籌組並領導一次徹底的改革。雖然這個 Institution 欠缺的,就是獨立專業人士的參與。

人會繼續向上尋租,Institutions 亦會。但當遇到社會不能接受、政府不會容許的環境,Institutions 便會尋找出路,繞過尋租的方法,走出應走的路。(「免檢制度」讓奶業中人各自為政,他們所認識的選擇,或許就只有尋租)

所以,我相對樂觀。

我覺得 Wikipedia 正是一個成功而值得信任的 Institution。

(另見量子、港燦、七十等如何講及此事件。)

(2008/09/23後按:我認為是「蛋白精飼料廠」作怪,我越寫越嬲...)

17 comments:

Juicy Runners said...

我只係識咩係Rise of Nation (Microsoft)...

爆~!!!

佚名 said...

wa~嘜cm咁夜訓啊!唔頭暈就奇啦!
我無頭暈,但頭痛@@

K said...

>>依家成三點,涼都未沖,都係留番聽日再講

各位blog友, 齊齊去捉賊(邊有人都咁夜仲未目訓o架?)!

>>逐日飲曬d 雞精佢呀陰功

依種東西幾燥熱下, 少d飲好d!
睡眠呢樣野, 唔係accumulation至得(我親自試了這個"實驗"); 好好地, plan下作息時間吧!

>>試下講 Institutions

好大範圍噃其實!

C.M. said...

On兄:

嘿,我都識!

小佚:

所以咪話頭暈唔洗睇醫生囉。(你咩事頭痛呀,感情事乎?)

Karen:

哎呀,夜瞓咪因為環境造成囉(賴得就賴)。

d雞精查實係某人產後唔肯飲,要我啃曬佢果d呀陰功。順便聽 Bravo 話齋,搵雞精當葯試。

Institutions範圍大... 係呀,所以依家終於寫左個狹義既出黎,散曬。

佚名 said...

C.M.:
所以咪話頭暈唔洗睇醫生囉。(你咩事頭痛呀,感情事乎?)
-->眠不足乎爾@@...個人好累...好眼眠啊!我返工啦@@

C.M. said...

初頭返工係會有d唔習慣架勒,遲下適應左就覺得依家果d工作完全係碎料黎遮!

佚名 said...

C.M:
初頭返工係會有d唔習慣架勒,遲下適應左就覺得依家果d工作完全係碎料黎遮!
-->0.0哦~真係...咁等我再浸油過先
睇下會唔會強d:P

C.M. said...

真係。唔呃你。

K said...

嗯, 睇晒。

個人看法, 您所講的係近乎Association多於Institution。

先講ISO小肥事件: 以我近年做procurement的經驗, 國內廠商如要開拓市場, 廠房以致製成品除了要合符ISO規定(包括9001甚至14001等等), 亦要符合埋歐盟(如CE和EC Certificate等)等其他驗證。

當然, 有些產品亦要符合本身出產國家/地區的規定, 然而暫時所知, 這些規定多數係政府規定(尤其係玩具), 亦有些係一些非官方組織甚至行內組織訂立, 如您所講xx協會和xx商會等。

>>咩叫「行業規範」,ISO 同法例有咩分別

其實唔係行內人, 就真係唔識咩叫「行業規範」; 不過, 或者用以下例子去解說ISO 同法例有咩分別:

假設香港有間玩具廠係生產玩具, 內銷的; 間廠生產的玩具, 未必一定要有ISO , 因為ISO只係一個世界標準, 政府無要求和規定所有玩具製品必需要有ISO認證(除非: 政府有要求和規定呢樣o野, 仲要立法通過和寫入憲報度公告, 咁就變成一個法例); 不過, 政府卻規定所有玩具必須不含鉛, 咁間玩具廠必須提出證明, 方可把有關玩具出售; 否則, 海關係會提出檢控。

>>香港有無數呢類協會,但同國內似乎有少許分別,就係國內既協會,多數由企業組成,但香港則唔少由「個人」或個別專業人員組成。......成立行業協會既目的,始終一樣,就係匯聚同業,一齊擴大市場個「餅」。其中一個手段,就係建立專業形象,例如通過提供優質服務,或以專業產品認證來確保同業產品質量。

無錯, 原則上係咁; 但係, 總有例外例子。

記得香港係有個地產建設商會嗎? 呢個咪睇佢個名好普通, 查實呢個會有唔少地產商巨頭輪流做代表(按: 差唔多全香港的地產商都入呢個組織), 佢唔單止控制晒整個香港地產市場, 而佢地的意見係足以影響政府的土地政策。

在國內的行業協會, 某程度上跟番外國做法, 但係弊在學d唔學d, 在制定standard方面有待改進(例外例子: 國內制定化妝品的標準, 真係及得上世界standard, SKII被"跣"一役就係好例子); 但曉得建立專業形象, 就已進了一步。

>>之所以強調「衝擊」,因為只有大的衝擊才可以推動一個懶惰的行業再次進步。

雖則有危就有機, 可能幫到一些行業如何再次進步; 但係在某些行業, 於某些地區不被重視(甚至係受制於政策和政權), 就算有「衝擊」,一樣故態復萌, 無進步可言。

>>中國奶業協會相對其他類似協會,因為有行業龍頭企業聯合組成(而且並非壟斷性龍頭企業),所以「理應」會更關注自身行業的將來,亦會加緊籌組並領導一次徹底的改革。雖然這個 Institution 欠缺的,就是獨立專業人士的參與。

所以不僅單純靠政府監督、發牌, 個人覺得中國奶業協會需要和政府合作, 制定嚴格品質標準(其實可以參考一些發展較完善的國家的準則, 如荷蘭、新西蘭和澳洲等), 加上有獨立專業人士的參與, 可以令現時的奶類企業和新晋的奶類企業必須依國家的法例和品質標準安全生產和銷售飲用。

「免檢制度」係一個重要問題: 我好少聽到本地甚至外國有類似食物免檢制度, 原因係食物係一種易變品質的物品, 若然有因素亦影響品質(例如樽裝飲用水: 因為水源受污染, 導致該飲用水品質和衛生有問題, 但由於有免檢制度(按: 呢個制度的用意係政府未必再抽樣檢測, 但民間係可以抽樣檢測, 唔代表唔駛檢測), 有問題的樽裝飲用水可能會在市場上買到甚至被人飲用。

因此, 我贊同國內食物的「免檢制度」必須廢除。

>>我覺得 Wikipedia 正是一個成功而值得信任的 Institution。

個人看法它係成功, 但是否值得信任的 Institution, 尚待觀察。

至於您那篇"推測, 對比", 試下可否在掛八號之前覆您吧。

C.M. said...

Karen:

(今日幾點可以收工呀?)

咁詳盡,唔該曬。

>>ISO只係一個世界標準

補充:ISO雖然名為質量標準,但實際上屬於「程序的質量」標準,而非「產品的質量」標準。

>>於某些地區不被重視(甚至係受制於政策和政權), 就算有「衝擊」,一樣故態復萌, 無進步可言。

嗯,咁於我角度,呢個完全「唔夠」衝擊囉。

>>Wikipedia...

你講得又好啱播

K said...

>>今日幾點可以收工呀?

話說我邊工作邊上天文台website留意風暴發展(係呀!每次打風我都會研究下o架!呢樣野由我中四時讀地理天氣圖時就發展呢個興趣)我的部門大大經理話: 各位係住得遠的同事, 可以在下午4:30後收工。

咁, 我就在下午5:00收工喇!

>>ISO雖然名為質量標準,但實際上屬於「程序的質量」標準

依家諗番之前做ISO, 又係噃!

>>呢個完全「唔夠」衝擊囉

頂多係小風波咋!

Anonymous said...

Institution is non-governmental, self-initiated and self-incentivized group that tends to maximize the stability of new changes.--> This is the essential part of the plan too.

C.M. said...

You already have a full plan!!

Good.

In recent years I very much "like" (very dislike also) the "Streptococcus pneumoniae" awareness campaign staged by Wyeth. (Perhaps its way of execution may have some use to you.)

Anonymous said...

C.M. 兄,
I have no real plan at all, just a very broad direction, no detail, no tactics... I know what "probably" does not work, but do not know what will work.

Why do you think Wyeth's project can be useful? Waiting for your enlightenment...

Anonymous said...

This is the essential part of the plan too -> I meant I agreed with you that indeed is the essential part of the plan too. :P

C.M. said...

Haha, as long as you have a framework in mind, plan details will evolve.

WyXXX:

1. According to a stat in 2007, Streptococcus pneumoniae is not prevalent in HK. Only approx 15.6 ps out of 100,000 ps age <5 are diagnosed for treatment.

2. WyXXX and its allies (e.g. 香港XX學會) focuses on the "no. of infected or bacteria carrying" population (~30% among kids).

3. Natural occurrence of Streptococcus pneumoniae is similar to Salmonella sp.

4. Question: what is the real threat?

5. WyXXX (and its allies) successfully convinced the public (+ govt) to ask for free vaccination from govt.

6. Who benefits most: WyXXX Pharm. who produces the vaccines.

There should be a number of materials for you.

Anonymous said...

"Streptococcus pneumoniae" awareness campaign staged by Wyeth. Perhaps its way of execution .. Hi C.M., where can I find out more about the campaign and its way of execution?

N.B. Only now, I have the luck to watch one youtube ad clipping by Jacky Cheung on the beach. Oh, it really looks like a prototype for me to think about for marketing messages. You are insightful!