四條友與吹水理論

當年小豺狼少不更事，周不時夥同不良好友通宵達旦，於早已執左笠久年既 American Cafe 「守捕」獵物。

某晚又係無雷公咁遠既 AC守捕，（貪夠偏僻，唔怕比情人老婆爹娘仔女捉到），見兩位姐姐仔正係日出時分埋單走人既時候，一行四條友就借機埋單，玩跟蹤。查實最初梗係玩玩下心態喇，唔通真係咁沙卜咩。我呢，一直係純情小騾子，當然有膽陪人癲，無膽一齊癲既。

況且，笨人出手，精人出口，丫嘛。

跟跟下，見兩位伊人各走東西，於是我地亦兵分兩路，再跟。我呢，就同老細V 一隊，而大滾油呢，就同西裝K一隊。

唔好講結果勒，總之自此以後，我同老細V 兩個就開始好認真（查實又唔係好認真）咁建設 Induction Theory 勒。（無計，外形唔得就要理論搭夠）

呢個吹水 Theory，其實有d似前排好興既 NLP 既。尤其呢個吹水理論有個死穴，因此要特別留意一條「大誡」，即係「應用既時候，唔可以俾感情落去」。否則，自己越～煞有介事，對方就越～若無其事。前功盡廢。至於呢個理論詳情係點，就等小豺狼研究到點樣 set 個post exclusive to male visitors先啦。

******************

點解寫呢d咁野？咪因為我依家發緊癲囉（真係好癲！）。同埋，我好想睇下老細V（同埋大滾油同西裝K）會唔會留言比我，同我相認，咁囉。（講暗號丫，唔該。）