Friday, January 11, 2008

哀莫。心死?

呢排心情唔靚,工作上處處失誤,好唔想講野,但又好想有人明白。好想搵人鬧、搵交嗌。如果我一世唔講,係咪就永遠冇人明白我?















25 comments:

南區肥龍 said...

唔好瞓低住, 試下講出黎吖...

微豆 Haricot said...

I agree with 南區肥龍, under pressure, a volcano will eventually erupt. It's better to let off steam under controlled condition, or while you are still in control of your own emotion. Do you have a career mentor or coach, or someone from outside of your work place?

ondog said...

大兄: 只要"我本將心對明月", 一切心照!

但都係個句, 講唔講, 唔緊要, 要人既, 就出聲啦~~~

ak said...

C.M.兄,
做兄弟既...唔駛講咁多...

老老實實,錢就無,命就一條...

xiao zhu said...

心死? 照咁睇你肯定係個心未死啦。真係心死嘅反應係好唔同架。

話時話,哀莫大於心死,其實呢句說話唔係當事人講嘅,講嘅一定係局外人。如果真係當事人講嘅話,咁即係當事人其實都仲未心死。

不如你問吓笨騾想唔想有人明佢? 其實笨騾有啲唔甘心囉...(佢嘅眼神話俾我知。)

samsara said...

CM哥哥:

我今日都好嬲呀!!!!!點解d人硬係咁野蠻呢?我唔鬧得嫁喎,突別係佢無point既時候,我就爛命一條,無野驚。

又,Dada既相好舊嫁?佢着咁少衫既?有冇新d嫁?

myblahblahblah said...

CM哥哥:

休息下啦... 個人充滿能量後, 睇野都會正面些~ 同埋會覺得之前的事都不難解決.

myblahblahblah said...

btw dada 個額頭幾高喎, 同我一樣, 夠聰明... =P

莊 山 霖 學 said...

CM兄,
無事, 無事...
個"五筒柜"好堅強嘅!

HS said...

好唔想講野,咁不如入去書局睇下邊本書岩feel 就買返屋企睇啦。

可能俾你搵到條友向百幾年前同你差唔多situation 都唔定。

sun said...

上面果個 hs 係我黎架
呵..轉左account 都唔知。

飲酒叫埋我

Gideon said...

心真係死就唔會想講啦,雖然又就算講左都未必有人明。其實 dada 啲 post 都幾危險,... 個櫃冇爛嘛?

Old Cake said...

慢慢黎,睇開D啦! 保重呀C.M.兄 無謂咁激氣啦

火鶴 said...

C.M. said...

肥龍兄: 鎖你。羞於人前,真係講唔出口。

微豆兄: 嗯,小弟自當嘗試。

On兄: 難道我唔止係一條佬,仲要係...一條溝渠?

AK兄: 唉,家陣想問你借錢都唔得...

小珠: 所以咪打個問號囉。琴日講左咁多,咁你又明唔明?

香妹: 都係你醒目,識得轉移視線。又想問,你有冇鬧番佢呢?至於阿Da d相,係10月影既。雖然最近都有d,但冇三七面,所以留番下次先。

阿Blah: 多謝你個建議。DaDa 個額頭高咩?可能比我“亨”得多卦。BTW,你西班牙個旅程好豐富播,無留意到,你有冇去到Toledo呢?

學兄: 呵呵,原來你都有讀寫障礙既!終於有人陪我。至於個五筒柜,提起我就把幾火,所以貼出黎等大家評評理!

Sun兄: 對對對,我應該執番本書睇下。飲酒?好呀,Baileys 啱唔啱?(搵日搵你)

鐵鎚兄: 我應該早d送DaDa入馬戲班,細細個就可以有經濟貢獻。(個柜竟然無事,想借佳依鬧個女都唔得)

餅兄: 生女真係好激心。

鶴兄: 嗯。

Hana said...

唔該換片丫,重到死!

dada

Derek said...

願聞其詳

xiao zhu said...

我話明唔明,都唔作準架,咁你覺得我明定唔明吖? 呢個先至重要,你自己嘅感覺先至重要。

我今晚食咩好呢?(唔好郁手呀嗱!):P

VC said...

你有個女, 幸福過好多人啦。

開心。莫哀。

C.M. said...

冰冰: Airrr,佢果時又好似真係賴左屎。

Derek: 嗯,呢個IQ200既難題。小弟嘗試這樣作答。我從一開始便覺得我的生命是屬於夏天的,所以我一直盡力做一個夏天的人。可是,世事難料,當我光脫脫的身子要渡過一個突如其來的冬天,我便要作出反應。但無論這個是什麼樣的反應,我這個夏天的心,還是這麼抗拒冬天。冬天終於來了,我的死期也來了。

小珠: 完全唔明你講乜。我淨係聽到你想去大家好。

VC: 那倒是的。多謝提醒。(原來你跟我都有讀寫障礙的 ~ 把“哀莫心死”寫成“開心莫哀”。)


各位的關心,真的很感動,北風剛過去,另一道冷鋒又來臨。很難熬、很難熬。

Derek said...

cm:

嗯......我估我明,不過唔知估唔估得中。

咁講啦,全世界既動物都要諗點樣過冬既,咁要諗點過冬既動物我諗都唔會點鍾意冬天啦。不過佢地最後都生存到落o來。

所以呢,邊有咁快就死期丫。

怒火眼睛 said...

c.m. 哥, 唔知你發生乜事, 但我又明果種壓力同不安喎. 有時, 想傾吐, 但要細說重頭咩, 又重辛苦, 結果都係忍住谷住. 或者, 真係要等到爆卦.

爆咪爆囉, yo, 駛乜驚. 最多喪訓十八個鐘, 之後又一條好漢. 同埋呢, 哀莫.心死, 即係, 幾哀都好, 我心不死. 頂多心累, 累咪休息一陣囉.

頂住!

C.M. said...

Derek: 我想你應該明白了。真的謝謝你。在我這種情況,死,反而並不可怕。最怕,反而是那讓人死而不僵(亂用成語,恕罪恕罪)的冬天。

怒眼媽媽: 你說中我的心底話了。不錯,就是那種壓力與不安,讓我窒息。像被水淹。你對,我想,我要爭取機會休息。

samsara said...

CM哥哥:揾Moon Moon囉,有時都唔駛講咁多,知道有人係同你一齊既咁就夠啦。

BTW,女已經係比較善解人意同無咁曳嫁啦,生仔仲辛苦,你諗下自己細個就知啦,嘿,今次睇你彩數啦。

C.M. said...

香妹:

我細個?真係比人打到飛起。