Wednesday, January 02, 2008

My Arrogance and My Wishes of the Year

我認我係高傲自大~ (呢度每個 post 既字裏行間都睇得一清二楚啦,今次仲大大隻寫埋添!)

不過,我「」高傲自大既一面,其實並未係呢度顯示出黎。雖然我知道你地有d人都好醒睇得出,又好心唔踢爆我(除左嫌自己條頸未夠多結仲哂自己桃花命果隻,同埋就快比人活檢果件),但我真係一直都將呢塊黑暗面好小心咁隱藏住。

但因為紙始終包唔住火,所以我呢批更高傲自大既珍藏,被逼留左比身邊人。

「喂,我今日咁咁咁播,你話係咪好勁呢,呵呵呵......!」

「呢,你都應該記得我咁咁咁喇,哈哈哈......!」

「嗱,阿邊個朝早讚過我咁咁咁喎,桀桀桀......!」

哼!不過,每次都換來極之沒趣既反應:有時 play deaf,有時扮啞,有時譏諷奚落,有時拳打腳踢,有時插眼 cool 頸...... 總之一切都係自己攞黎 (點解以前唔係咁既?)。我諗,若果依家將呢d 自命不凡既事跡講比豬朋狗友聽,估計個收場應該會正面d,鼓勵性高d... 甚至搖旗呐喊都米話冇可能!嘿,偏偏最親近你果個,就唔係咁睇,佢偏偏要打擊你自信,摧毀你既弱小心靈... 。(講左咁多,真係聽者傷心,聞者流淚... )

但又唔知呢d係咪叫求仁得仁定係叫「犯X」,將自己既豐高偉績講比身邊既人聽,其實幾 high,姑勿論講左之後得到咩 hangover 或者重創,總之搞到依家欲罷不能,經常留番d藉口比佢虐待我,呵呵呵,come on,baby...

我覺得人將自己既威水史公之於世係理所當然既。不過,為左安慰我自己只講比身邊人聽呢個奇怪既癖好,我會諗:蝦,係咪你鍾意邊果個人,就會不其然將自己d 無聊青史講比果個人聽呢?

好似我咁,係咪代表我d朋友貴精不貴多呢?而又好似果d 公公婆婆將自己既威水史講比三唔識七既人聽,又係咪代表佢地好寂寞呢?人地成日同我講威水史,又係咪代表佢好關心我呢(嘿!)?

我諗我今年第一個願望,嘿!就係希望對於呢兩個問題搵到d線索。(講咁長篇,自己都覺得有d無聊。)

上年年尾同自己搞左個小雪崩... 效果尚算滿意。第二個願望,就係可以整理一下小雪崩既運用。嘿!希望唔洗自己再親自試藥,做 human testing 喇,嗚...

另外呢,今日收到一生人第一份新年禮物(新曆新年 + 實物禮物),嗯,真係好開心。雖則我唔算感性,對於禮物,我多數會感謝多過感動。不過今次呢份禮物,當中對我個人既意義,足以令我個「感性 Treasure Chest」 豐富左好多好多,好感動。希望送呢份禮物比我既呢位朋友,能夠感受到我果份內心既回響。所以我第三個願望,就係希望以後自己送禮既時候,都可以超越感謝。(嘿!你會送禮?!嘿!嘿嘿嘿!)

Well,係呢度先送份禮比大家: 祝大家新年快樂,身體健康!(哈,感動咧~ )

5 comments:

桃紅三點式 said...

哥哥,真係感動到喊,囉!

我覺得自己唔算自大,我覺得你果種都唔算,但我鍾意人讚,就會叫身邊最親的人讚我,佢哋讚完我,我會有信心,覺得好有力量,咁,唔算係自大喎,哥哥。

我今次,第一名。

ondog said...

"偏偏最親近你果個,就唔係咁睇,佢偏偏要打擊你自信,摧毀你既弱小心靈..."

我明, 我明呀~~~
不過我就選擇唔講, 算吧啦~~~!

火鶴 said...

咦? 你收到果份禮, 係唔係呢樣呀?

samsara said...

CM哥哥:你係度打情罵俏晒恩愛呀吓!緊係因為有安全感所以乜都講囉。你既自大,鬼唔知咩,人都係臭味相投嫁啦。

On Dog哥哥:你都係呀!

大俠:我驚比人打,塞左比個friend交換禮物,佢仲係IT部...希望有幸抽到既果位電車男學到野啦。

C.M. said...

阿妹: 呵,你都覺得我果種唔算自大咧,梗係啦,我掩飾得好嘛。你成日叫人讚你,當然唔算自大啦。不過咁問,你覺得自己有冇 arrogance 呢?如果有,你會面對邊個果陣先顯露出黎呢?

On兄: 正如潛緊水果個話齋,家人是要同渡生活種種的(包括受刑)

阿人地契仔: 你放心,相對你,佢唔會好在乎我既啫。

香水妹: Errr... 稍安毋躁... 先祝你新年快樂,身體健康,步步高升,人財兩得!