Thursday, January 24, 2008

原來你看到我的信

你:

呵呵呵,真高興!我知道,你應該看到我的信了。

我的文字,不過三幅被,所以很難解釋我見到你的心情,不過我知道,你應該會看透我。原來,被人看透真是賞心樂事。

不好意思要你作東。看見你花綠綠的鈔票,我大概想你是有備而來,我也只可好意思作客了。

最意想不到的,還是我那麼周詳的探監計劃,竟然被你先下手為強了,高!反倒由你來巡視我的籠屋,我著實高興。Da Da 都很高興。(我想你應該沒有料到 Da Da 真的成了華英雌是吧?)

我問 Moon 你是否不一樣了?Moon 跟我說,對,不一樣了。我的計算是否準確,已經再無意義了。

雖然我吃不到你專程為我點的那牛百葉,還要放棄我的摯愛奶黃包,但我一點不覺得難受。我可保證,到你出獄的那一天,我會大啃油麻地的牛筋面,再橫掃牛雜豬皮咖喱魚蛋... !


9 comments:

C.M. said...

唉,你地睇下我幾可憐丫,寫左幾次信比人,只係得幾個撒馬利亞有心人經過安慰我咋,當事人都無反應呀...

涼風有信(震震,今晚好凍...)秋月... 無~ 邊 ~~

(好心施捨個發財錢啦)

Connie Missipi ~ 密西比 said...

想當然你的信不是寫給我的,只是路經打過招呼。那些信又會唔會係因為寫得太深奧,所以冇人敢認領哩 :-)

今晚真係凍咗,小心不要着凉,在這兒給你一個溫暖的祝福。

Hana said...

爸爸個心孿,姐姐快啲來撫慰下佢啦。

DaDa

C.M. said...

哎呀,終於有兩個做下好心可憐我呢個伯爺公... (突然記得好似阿“你”去左星加坡。)

西比小姐: 嘩,乜你咁夜都未瞓,唔通凍到瞓唔著?)琴晚多得你溫暖既祝福,否則今日已經變左雪條。Blessed are the merciful, for they will be shown mercy.

冰冰: 係喇,我個心實在囉囉攣,佢個疤痕仲未散呀陰功。(又,見到你個名,都覺得凍。所以今日著左兩件底衫,兩件樽領衫,一件fleece,兩條長褲,一條頸巾... 仲覺得凍)

Karen (Sze) said...

點樣呀伯爺!咪話我唔安慰您呀(其實呢, 當中係有塔利班人睇o左但無反應呢)!

DaDa條痕淡色了沒有? x痕敵唔知幫唔幫到呢?

又, 天氣很冷, 您咁易鼻敏感, 小心身子呢!

三姑...姐 said...

見到冰冰個名都覺得凍, 咁我諗你要再著多兩件大coat先得囉~ 你知你平時著幾多o架啦! hoho :D

你幫DaDa搽啲vitamin e油去"la", ok o架!

C.M. said...

Karen 乖孫:

你伯爺我有你呢個乖孫就夠安慰囉。塔利班應該返左工,唔得閑,搵食緊要,算啦(唔知點解d阿公阿婆好似成日都係咁講...)。

阿Da 條痕仲好深色呀... 搞到我心亂如麻... 惶恐不安... X痕敵應該唔啱用住,要等佢大個先。

咪住...你仲記得你伯爺鼻敏感?呵呵呵,真係細心體貼好女仔,等伯爺介紹d好男仔你識。如果依家廁紙要兩個半一卷,我前晚足足用左五蚊呀!

三姑... 姐:

阿冰妹呢,你千祁唔好睇小佢,雖然個名好凍,但佢可以令到好多人(尤其男人)熱血沸騰。我剛剛係佢度返黎所以先可以著咁少咋。

咁 Vitamin E 油係邊庶有得賣?

Yun said...

咁我又唔係D乜野純品女孩﹐都唔知講D乜好……

C.M. said...

雲: Err... 祝你新年快樂!