Sunday, March 30, 2008

立雜插播

昨夜聽到電視新聞報道,說港府現在會和國內打撈單位簽訂「合同」,便會進行打撈工作。我諗,哦,原來是錢的問題。

今日報道再話「香港唔洗俾錢」。奧,明白。

**************

英法領導倡建全球性歐洲

武俠片好多都講d人爭崩頭做盟主,然後搞到江湖腥風血雨。

唔知其他各大幫派會有咩反應?令我覺得,歐洲價值都只不過係權力價值的新包裝。

**************

VC 問:你不覺得中國的沒普選和平權力交替有趣嗎?

小弟第一個反應,就是深思了好一個鐘頭。不錯,權力是和平交替。

然後再尋找其他國家的於權力之間的交替情況作比較,感覺是,嗯,這個情況真的如 VC 所問,似乎挺有趣。

不過還在想了另一個鐘頭,不通,沖涼去。

問了自己,中國歷代所謂「盛況」呢?

唐虞夏,三代。漢,頂多四代。唐,不清楚,大概自唐太宗之後才三代。清....

若諺語說「富不過三代」真有其民族意思,自鄧開始,到江,然後胡,三代。第四代會如何?.... 嘿,VC,你的問題讓我靜默了兩小時了。

又突然回想他到原來說「和平交替」。何謂和平交替?是否重要?那中國歷代皇帝與太子之間,政權交接又是否和平?現在的中國大陸政權,其實是否另一種比較專權的君主立憲制?

**************

唉,關於戶籍制度,唔知應該再寫幾多好呢?....

9 comments:

Derek said...

咦﹖你唔係有睇開economist既咩﹖個個星期都會講eu內部d麻煩野

共產黨呢d邊叫權力交替呀,如果咁都算,咁康熙傳位俾雍正,雍正傳乾隆,都不知幾太平。要改朝換代先算嘛。

C.M. said...

睇開economist?小弟邊有咁神心呀... 得閑遮。

EU 內部麻煩野多就必然既,始終有太多利益瓜葛。不過呢件事令我諗起二次大戰初期,法國同英國對於德國(及俄國)既輕視。又令我諗起係法國差唔多宣佈投降之前(前線告急,法國正討論遷都波爾多還是馬賽),邱吉爾向法國政府建議建立英法聯邦(Anglo-France Union)。呢兩國既目光真係好遠大...

seikomatic said...

CM,

當大部份人都可以從現有制度中得益,就會支持保管,雖然會有分贓不均,好多微言,但邊個夠膽玩野,自然會有人出泥擺平,因為大部份人既所有,都建基系同一個平臺上。

邊鬧邊搶,邊搶邊笑。事實上香港人邊個無間接得益呢?穩定勝於一切。

C.M. said...

唔,無錯。

夫妻本是同林鳥,大難臨頭各自飛。

(共富貴得,共患難呢?)

C.M. said...

(哈,講完之後,我發覺我自打嘴巴)

VC said...

如果中國的領導人是靠表現業績上位呢?

與他們共事幾十年的人不是比普羅市民更有資格理據決定嗎?

c.f. 上市公司CEO怎會由全體員工客戶普選產生,股東投票通過否決侯選人便票是了。

C.M. said...

VC兄:

嘿,又黎考我?

業績呢,就肯定架勒。不過,究竟同佢地共事幾十年果班人講既係邊一類「業績」呢?

依法施政?三個代表?意識形態?定係經濟?邊方面我個人唔敢講。

就從鄧、江、胡呢三個階段,我既片面印象係佢地有相當大比例唔係由同佢地共事既人決定,而係由上一任不斷培育同扶持。過程大抵相當於一個甄選「太子」既過程。

坦白講,資格理據,我相信班高層一定有(泛指有「性」果班),而且肯定比普羅市民更清楚,因為人選,全為高層政治層面人員,現今的市民,對於他們的人品、貢獻,礙於資訊,只能得自官方資料。這方面,個人認為,亦乃現階段中國民主化的一大限制。

至於上市公司,雖然情況類似,但個人認為有一點比較大的分野:員工可以跳船,但國,難矣。

我覺得,反而更像為人父母:如何待子女,還要看情勢。

C.M. said...

(VC兄,你有否留意到我迴避你問題嗎?)

VC said...

收到晒。