立雜插播
昨夜聽到電視新聞報道，說港府現在會和國內打撈單位簽訂「合同」，便會進行打撈工作。我諗，哦，原來是錢的問題。
今日報道再話「香港唔洗俾錢」。奧，明白。
**************
英法領導倡建全球性歐洲
武俠片好多都講d人爭崩頭做盟主，然後搞到江湖腥風血雨。
唔知其他各大幫派會有咩反應？令我覺得，歐洲價值都只不過係權力價值的新包裝。
**************
VC 問：你不覺得中國的沒普選和平權力交替有趣嗎?
小弟第一個反應，就是深思了好一個鐘頭。不錯，權力是和平交替。
然後再尋找其他國家的於權力之間的交替情況作比較，感覺是，嗯，這個情況真的如 VC 所問，似乎挺有趣。
不過還在想了另一個鐘頭，不通，沖涼去。
問了自己，中國歷代所謂「盛況」呢？
唐虞夏，三代。漢，頂多四代。唐，不清楚，大概自唐太宗之後才三代。清....
若諺語說「富不過三代」真有其民族意思，自鄧開始，到江，然後胡，三代。第四代會如何？.... 嘿，VC，你的問題讓我靜默了兩小時了。
又突然回想他到原來說「和平交替」。何謂和平交替？是否重要？那中國歷代皇帝與太子之間，政權交接又是否和平？現在的中國大陸政權，其實是否另一種比較專權的君主立憲制？
**************
唉，關於戶籍制度，唔知應該再寫幾多好呢？....
9 comments:
咦﹖你唔係有睇開economist既咩﹖個個星期都會講eu內部d麻煩野
共產黨呢d邊叫權力交替呀，如果咁都算，咁康熙傳位俾雍正，雍正傳乾隆，都不知幾太平。要改朝換代先算嘛。
睇開economist？小弟邊有咁神心呀... 得閑遮。
EU 內部麻煩野多就必然既，始終有太多利益瓜葛。不過呢件事令我諗起二次大戰初期，法國同英國對於德國（及俄國）既輕視。又令我諗起係法國差唔多宣佈投降之前（前線告急，法國正討論遷都波爾多還是馬賽），邱吉爾向法國政府建議建立英法聯邦（Anglo-France Union）。呢兩國既目光真係好遠大...
CM,
當大部份人都可以從現有制度中得益，就會支持保管，雖然會有分贓不均，好多微言，但邊個夠膽玩野，自然會有人出泥擺平，因為大部份人既所有，都建基系同一個平臺上。
邊鬧邊搶，邊搶邊笑。事實上香港人邊個無間接得益呢？穩定勝於一切。
唔，無錯。
夫妻本是同林鳥，大難臨頭各自飛。
（共富貴得，共患難呢？）
（哈，講完之後，我發覺我自打嘴巴）
如果中國的領導人是靠表現業績上位呢?
與他們共事幾十年的人不是比普羅市民更有資格理據決定嗎?
c.f. 上市公司CEO怎會由全體員工客戶普選產生,股東投票通過否決侯選人便票是了。
VC兄：
嘿，又黎考我？
業績呢，就肯定架勒。不過，究竟同佢地共事幾十年果班人講既係邊一類「業績」呢？
依法施政？三個代表？意識形態？定係經濟？邊方面我個人唔敢講。
就從鄧、江、胡呢三個階段，我既片面印象係佢地有相當大比例唔係由同佢地共事既人決定，而係由上一任不斷培育同扶持。過程大抵相當於一個甄選「太子」既過程。
坦白講，資格理據，我相信班高層一定有（泛指有「性」果班），而且肯定比普羅市民更清楚，因為人選，全為高層政治層面人員，現今的市民，對於他們的人品、貢獻，礙於資訊，只能得自官方資料。這方面，個人認為，亦乃現階段中國民主化的一大限制。
至於上市公司，雖然情況類似，但個人認為有一點比較大的分野：員工可以跳船，但國，難矣。
我覺得，反而更像為人父母：如何待子女，還要看情勢。
（VC兄，你有否留意到我迴避你問題嗎？）
收到晒。
Post a Comment