血氣攻心

又係血！

該煨囉，又黎Bloody Sunday。（唔知可唔可以寫入Wiki呢？）

今次輪到界親食指，成半寸長；拿，唔好嫌短呀，隻纖纖食指差唔多斷開一半呀。要成半個鐘先止到血。唉。陰功咯。可憐咯。做下好心咯。


要睇真d係咪真係咁難？

我係講佢果篇既留言。雖然渣老闆成日遊戲人間，但我今次真係好認真想留言者諗清楚。

好老實，冇人（即渣老闆）話過準時走有問題。唔明咩事要扯到話準時走有問題。

但冇問題唔代表冇野反映倒出黎，尤其反映請人之慮（咪以為做人上司老闆就點點點開心先得假）。第一日返工準時走，周不時都會，做人事做老闆做上司既全部都見慣見熟，都唔會當一回事。但你話唔擔心，就肯定假既。若果「擔心出現問題」等於「覺得返工一定唔可以準時走」呢個邏輯就真係大有問題。

睇漏眼，唔係問題，你點睇渣老闆篇野都唔係問題，但肯定反映左你自己有否原先理解（即定見、甚至成見）。

個個放工都想準時，準時出糧，以合約精神講，天經地義。不過，若果返工淨係關乎合約精神，咁，我諗返工對於老闆黎講根本冇乜意義囉。

好老闆（上司）當然會「盡量」亦唔想下屬開OT，不過，若果唔係講緊做廠或者真係可以好定時，否則，就好容易脫離現實，除非你份工個角色對於老闆根本可有可無，或者好容易被其他人取代。（拿，睇清楚，唔係講果份工，而係講個角色！）

如果覺得我偏頗，可以睇下Wiki點樣剖析Generation Y。又或者，試下問問人。

不過某d老闆上司們，唔好再深究新一代係點同你（甚至我）果一代點點點唔同勒，諗定對策，調整自己個心態仲好啦，何況我地都做過人地新一代？

*****

原來，我呢篇可以順便對應CK今日呢篇。（唉，點解又想講番《戰爭意識》呢？）


我點睇Peter Principle

好耐之前有人講過，鎚哥哥又講，我呢，第一次講。

相對呢，Wiki個解釋就冇咁負能量，又可以睇下CK今日有講，睇佢點詮釋「積極人生」。

我睇到既 Peter Principle，完全唔係講現實係咁咁咁，所以唯有面對現實。係，現實係咁，但用番Randy Pausch 果句（抄自某review）： The brick walls are there for a reason. They're not there to keep us out. The brick walls are there to give us a chance to show how badly we want something.

不如試下大聲話比自己聽想要乜。


補充

唔記得左講，界親食指果個，係我。好痛。