Fish Banks
上個月，參加了一個關於商業競爭的 workshop。
導師著我們全體廿多名學員，分成四組，玩 Fish Banks.
事前給我們大概十分鐘時間了解遊戲規則：
1. 每組開辦一所船公司，主要賺錢模式為捉魚（及賣魚），起初各船公司有筆同樣數量的資金和少量船隻。
2. 各公司可以通過拍賣行買船、自行建船、賣船，亦可自由與其他公司商議合作策略。
3. 船可以到深海或淺水捉魚，亦可停泊海港，三者皆須繳保養費。
4. 最初深海最多魚、淺水次之，海港無魚。
5. 無論深海魚或淺水漁獲，其價格等同，而且一直維持不變。
6. 捕魚會減少魚之數量，但魚群本身亦會自行繁殖，補充損失。深海魚數量回復速度（魚口生長速度）比淺水魚快，同時，深海及淺水魚亦最高容納量限制；一般而言，魚量約為容納量一半左右，數量回復速度最高；魚量接近最高容納量或接近無魚者，則回復速度最低。
7. 深海魚與淺水魚，互不越雷池。
8. 每次漁獲由電腦計算，越多魚則每船收穫越豐，反之亦言。
9. 其他次要影響：天氣、銀行利息（可正可負）
10. 遊戲目標：10 回合後計算每船公司資產，最多者勝；另，船隻之salvage value 為最後一回合之平均漁獲利潤（唉，唔記得喇，大致意思係咁喇）。
結果大出個人意料之外，竟然第七回合已經有兩家要清盤。
遊戲過後，導師著每人撰簡單感想一則，需循 CSR 方向入手。（天！乜唔係爭贏有錢分咩？咁今次係咪要政治正確？乜唔係講競爭咩？）
今次係最後一次借蜘蛛俠養父果段對白。（但我寫完都唔明自己講乜。）
11 comments:
怎样去玩？有没有online版可以玩？
我以前帶過學生玩, 不過唔係捉魚, 係開飛機公司
今朝 print 左出黎睇，到而家仲揸住喺手，仲未知我想講乜。
好似好好玩咁喎...
Kenka：
好像沒有online（用board玩）。將平臺放上Online也可，不過playability似乎很低（玩一兩次就夠，很快玩完）。
篤撐兄：
真架？咁你點同學生做debriefing呢？（非常有興趣知道）
小珠：
我今日睇番，發覺開頭尤其多grammatical mistakes，或串錯字，Oops。（我睇完，都仍然唔知講乜，不過，你係咪想...）
若虛兄：
哈哈，係架。雖然好似好簡單，但其實成班人一齊玩，仍然係好緊張刺激。
請問呢個game, 係用來:
1. 7 Habits?
2. Management training?
我讀mba時都玩過類似既game, 係econ 課程之一...
Karen:
點樣「用」呢個game，查實都係睇你想點「用」遮，你話係咪？
魔術哥哥：
Vow，原來我上緊MBA! Econ... 哦，原來係咁。多謝賜教！
一張A4字o既「簡單感想」…睇翻自己平日寫o既email、document，小弟真係無地自容…
有冇睇過我成日講個本「大崩壞」﹖
入面，其中就提到唔記得邊間國際油公司，係印尼過小小既某個島入面，經營時非常著重環保同可持續發展。相對於其他鄰近島嶼，該島上既生態保存得最好，發展亦受到完善可持續既相關指引規範。
油公司咁做，除左因為「公關」之外，仲因為執行衣D嚴格既「環保要求」「社會責任」後，油田事故出現比率會低好多，包括村民不滿造成既破壞或油井開採及運輸風險。
我衣排都話想講社會責任，其實就係講衣樣野﹕「社會責任」，其實同追求經濟利潤未必有衝突；「社會責任」，亦都可能係「公關手段」以外有其他經濟好處。
~goethe
安兄：
係咪黎潤我呀又？最多下次proofread完先交功課囉...
歌德：
《大崩壞》？未睇過。睇返wiki，好似幾啱我胃口。
係呀，查實係你話想講，所以我至講咋。
不過有樣唔明，Errr，或者係感情上唔能夠同理性磨合到：正如你所講（亦係我諗到頭爆既）﹕「社會責任」，其實同追求經濟利潤未必有衝突；「社會責任」，亦都可能係「公關手段」以外有其他經濟好處。
我個疑問係，若果我從「純經濟」角度（即企業盈利）為企業長遠發展作考慮，目標為盈利，手段乃通過保存社會價值/生態，應否算作「企業責任」？
好多人都揶揄呢種想法「虛偽」，做show，查實，「企業責任」應否包含經濟元素？
（我呢，覺得「責任」兩個字太重擔子囉）
Post a Comment