地方政治 (1b)
昨天小黃蓉毫不留情地批評小弟過分長氣（哼！），現既然安諾勿斯兄提出六點非常扼要實用的方法去管理辦公室政治，那小弟姑且將自己過往經驗、觀察和理解，濃縮成以下 [3x3] 的辦公室政治「分析架構」。雖然未必可以幫助打工仔解決當前政治困境，但無論對於管理者或下屬，或許都可以得到一些對於自己公司整體政治環境的提示。這個分析架構尚有不少未臻之處，請各方予以提示糾正。
A. 以「個人」為出發點
作為打工仔，很多時我自己對於公司政治形勢的關注層面集中在身邊人和事。離開我的辦公桌、我的上下線、我的工作流程，幸好，我都一概毋須理會。反正再遠一點的事，已經不是自己可以控制，也或許，森林大火還未燒到我這個後花園。
1. 以人為本
即揣摩心意。透過了解對方心意作出適當配合或政治防備。
例子有：蜘蛛網政治 ～ 蜘蛛絲其實有兩種，一種帶有黏性，可以緊緊黏著獵物；另一種沒有黏性，供蜘蛛主人行走。若果能夠清楚理解蜘蛛主人正在行走那一種蜘蛛絲，那性命可保。
2. 以效益為本
即使用平衡（圓滑/取捨）的政治技巧與工作方式以達致最佳工作效益，在某些必要情況放棄二線原則。
例子有：黑貓白貓（即如安兄第四點所指），以及《兔子和狼》
3. 以工作為本
即不顧一切，以工作、責任、既定程序（官僚）為絕對優先，不會或不容易作出政治妥協。（盡力）以公司利益為大前提。
例子有：經濟日報副刊專欄 by [方思捷]。兵來將擋，水來土淹，見招拆招。以工作成績論成敗。
B. 集體政治
1. 面子為本 - 你比面我，我就比面你，唔係無面比！
2. 價值為本 - 即價值觀、原則。「公司既然set 左呢個程序就要遵守，你唔可以繞過我地 department 呢邊！」 或 「你地咁做法唔通播，過得自己過得人丫。」 或 「我地一向都唔係咁做個播！」
3. 利益為本 - 即互相協調，以公司或雙方利益行先。
C. 地方政治環境 （邊疆政治）
1. 資訊力量： 衡量資訊的 - 滲透力 （即往） - 透明度 （即返） - 可靠性 （即質量）
2. 對於中央的自立或依賴程度，例如在： 流程、資源
3. 邊疆的自然價值、人員價值與文化。
以上有些地方與安兄的不謀而合或得其提示，其六點可作進一步參考。安兄，先行謝過，小弟下星期再詳述。
（又，原來「揣」讀 chuai，搵死我）
6 comments:
嘩, c.m.兄，呢幾篇真係要週末慢慢睇先得．
不過再留言之前，先加幾句．除咗積極既辦公室政治，應該仲會有消極既辦公室政治 （可能同你講既以人為本有相似）．不過若夾喺兩者中既，可能又另一種感受．
而且選玩同唔玩，都可能係一種方法．
http://www.kwuntung.net/chinese/
網上資料－－搵讀音
很好用，普通話和廣東話都有～
豺狼兄
我好想買番齊一套畢華流呀.. 驚以後都買唔到喇...
死！
唔係好明點解我個gmail見到小黃蓉、孱仔同你對答嘅?
肥龍兄：
周末梗係瞓覺啦。尤其剛剛從日本返黎，多d休息嘛。如果選擇唔玩，我睇，就應該同「以工作為本」相似嘞。（而且呢，以性質論，我認為政治根本存於工作，無得選擇避免...容後再談）
Zoe：
唔該哂！（又，我其實係靠拼音打字）
鶴兄：
嘿。嘿嘿。嘿嘿嘿。你係咪要埋佢果d 科幻故事系列先，校園全套我就齊哂，不過... 嘿。你問問畢主席自己喇，我估佢應該有門路既。
冰冰：
弊！係咪你放左隻病毒落我部機度，所以...
（若果你login左之後先再入comment，就自然有個 checkbox比你揀係咪將 "Email follow-up comments to " 你自己個login gmail 郵箱架喇，我估你應該最近先申請用gmail）
CM兄，見笑啦。小弟拙作只是瘋言瘋語，何得何能作其參考。見笑、見笑。
P.S. CM兄說小弟拙作是「安諾勿斯兄提出六點」，不是「安六點」。不言，又成為笑柄。(小弟豈可和領導人相提幷論?!)
Post a Comment