Saturday, January 05, 2008

職業病

可以肯定,摸骨看相並非我的職業,猜度人心並非我的職業,觸摸用意並非我的職業,但這些「非我的職業」使我染病。我不知為什麼有個病。但我深受這個病困擾,使我人見人憎。

十年前,我輕描淡寫的一句「原來基督徒是這樣的」,立時使對方拂袖而去,辭職不幹,還留下大衣沒有取走,也沒有跟我說再見。

五年前,我只是向女朋友的新男友仔細問及其「職場生涯」,對方竟從此不願與我見面,還破壞了女友人和這位假律師的大好姻緣。

去年,一個向新同事的衷心讚美「真不愧是這方面的專才」,卻換來上司的責難,叱我何以氣走該名年少有為。

我這個病,使我心高氣傲,蒙蔽了我雙眼,害我看不見一切人生美好。我以為投入一份職業,必須先要愛上它,跟它談戀愛,了解它的一切,便可讓職業成為人生一部分,然後就可以獲得我期望中的美好。

可是,在未獲得這份美好之先,我已經得了這個絕症。

我應該負著這病繼續追尋這份美好,還是應先治好病再來追尋美好?恍惚需要在「死而不僵」與「死不瞑目」之間作出選擇。我是小家子氣的,會執著於如何滋養一位莘莘學子真正成才,甚至得道成仙。可是,這位未來專家未必會明白我這種小家子氣的短暫,因為這病讓我,死不足惜。

11 comments:

Samsara said...

「女朋友」?啊!!!

Moon Moon,依篇一定要睇呀!仲可能係女朋友ssssss添呀!

hummm,CM哥哥,你依個病呢,好似同職業無關喎,就算你在lab度做research,怕且病情都係咁上下嚴重。

我呢,都係得理不饒人兼理直氣壯激到人吐血,不過我發現呢,有d人真係唔肯醒,你真係打把佢都係照樣執迷不悟...都係講一兩次之後見到無效就收聲。但係另一方面呢,一個人要變起上來,又真係可以洗心革面喎,真係只要有一個例子已經好令人鼓舞...所以呢,我都仲係覺得人性係美好既。

美好,不在天邊,而在今時今刻。

ah-yun said...

哇! Samsara 姐姐! 點解你講左我想講既野既! 我都見到「女朋友」呀! @_@ 都好同意你講長長個段。我又係咁﹐常日好爆。但係呢﹐可能人大左﹐發覺﹐唔好覺得自己可以改變人﹐有時都會慳返啖氣暖肚算囉。

CM呀CM:
咁呢﹐可能我係完全誤解你所講既野。不過呢﹐依小妹子所見﹐你冇得絕症喎﹐連病都冇。其實呢﹐我曾經有好長好長既時間都以為我病了﹔但後來(不久前)才醒覺﹐原來我冇病呀﹐病既係其他人之嘛。聽落都幾「心高氣傲」﹐係咪﹖不過﹐我好清醒架﹐從來都冇咁清醒過。所以﹐其他人中意點諗我﹐我唔會理咁多啦。要做自己﹐要對得起自己﹐咁先得。(當然﹐我地都要向上面那位交脹﹐我都明個點架。)咁囉。

C.M. said...

香水妹:

Oops,爆響口添。我同佢真係認識左成廿年。

你講得啱,我個病同職業無關。皆因我呢個病,叫做...。 其實唔係其他人唔醒,只係我執迷不悟啫。

雲:

我呢個係重症,纏繞左我好耐。我果幾個例子,其實反映左我係幾咁偽善,所以我呢個病係...。又因為我個腦好亂,要消化一下。

(其實我係度發咩噏風呢?唉...)

Anonymous said...

貓屎先生?

Anonymous said...

總算...插到嘴...

AK咁睇...睇到通,唔代表一定要講出黎,知到點應對有時就夠...更加方便去manipulate...(welcome to the dark side of the Force!May the Force be with you!)

當然,去到要講出黎既時候,一定唔會心軟...(Strike hard when you need to strike...)

Derek said...

我結果連女朋友都冇埋添啦,唉...

有時真係諗不如講少兩句好過,佢想繼續蠢落去唔想醒,咪由得佢囉。

我本將心對明月,係咪咁講呀

C.M. said...

On兄:

As good as you guess.

AK兄:

我呢個病,雖然淨係最親既人先知道,但都好多謝你咁體諒小弟。下次出黎,我實陪你飲。

Derek:

新年快樂,身體健康!講得啱。其實我都要學你咁覺悟至得勒。我依家,都仲未通得哂。

火女 said...

係呢我覺得,,,,唔知算唔算"臭味相投", 點解我地呢班博客都不約而同地咁火爆 (或有其他相似地方)的呢?!

我之前都係因為"口不擇言", 令自己錯失了兩個工作機會! T_T

阿雲, 我覺得你說的對, 點解要覺得自己病喎!?! 對得住自己已經足夠, 我又唔係傷害人, 點解要搞到自己咁 "圓滑"!

said...

cm,

係時候睇下杜琪峰套”神探”...

VC said...

did you read this?

http://www.readbookonline.net/readOnLine/2157/

if you didn't, you will thank me. Haha.

C.M. said...

火女:

雖然令你多左兩行眼淚,但你同依家班同事似乎好開心播!

阿米爸:

咦?點解你知道我想睇呢套戲既?多謝!

VC:

I didn't read that before you told me. Obliged and grateful... I wish I could see again.