Thursday, January 31, 2008

一個難以理解的現象

一群辦公室男女竟然公開分享欣賞品評四級照片,真係窮我一生經驗學識都未能了解到。

17 comments:

Anonymous said...

時代變, 一代不同一代, 一年不同一年, 就連我地都已感受到多強烈...

我是老餅麼?

C.M. said...

你算老餅?!嘿,我又點計?

Derek said...

你諗得太深入喇,簡單d諗就會明白

C.M. said...

Derek兄:

喂喂米走!咁你即係多少都明白喎,快d指點小弟迷津!

拿,小弟其實最難明呢,唔係呢一代同果一代既問題。其實果堆人裏面,全部都同我同一代既。而我最唔明呢,其實係 (1) 辦公室 (2) 男女同事,而非吹水朋友,有d仲有家室。

我真係未見過一件事可以有咁既影響力,促使一群人係一個令我意想不到既場合,爭先行使言論自由。一個字:勁!

英倫肥龍 said...

我都唔理解吖~ :o

Anonymous said...

不關那一代事呀. 朋友把相傳給我, 我也不敢在公司打開.

又, 其實掙扎了一陣子才開啟檔案, 心裡很明白不應該支持流傳這批相, 但人人都說有多激多轟動, 就看了... 我是超級沒有原則的人... 唉~

Derek said...

話說前日約了幾個月冇見的大學豬朋狗友們吃晚飯去。我原本,都唔想將呢個topic於公眾場合高談闊論,但去到地鐵站,等緊既人(兩個)就己經談個不亦樂乎,咁,我去到,又冇理由唔講埋一份喇,反正要我講,我其實唔怕冇野講到,於是齊齊笑哈哈講足幾粒鐘(唉,原本我地係gathering架囉,講呢d真係把鬼)。

所以情形就係:原本全世界人都唔係好想係office講呢個topic既,不過唔知邊度o來一兩條口痕友帶起左,就會令原本羞於啟齒但potentially有興趣既人埋堆,於是越搞越大,到最後係一d原本冇興趣,但係對談論呢個問題又唔係好抗拒既人加入,反正埋堆之嘛,自己一個人講就話會好odd o者,成班十幾人一齊講就冇所謂邊個面皮厚啦。

你以為女人唔會講埋一份咁就大錯特錯喇。呢d講人是非既野係女性既本能,要佢一味聽人講人是非自己唔加把口邊可能既事﹖叫佢帶頭就話唔好意思o者,但加鹽加醋本事肯定最精通挑撥離間的男人都望塵莫及。

而且我肯定大家一定係將個focus放係阿嬌度,因為陳文緩唔紅,張栢芝大家一早都知佢唔係正經人家,唯有阿嬌大家都以為佢一向好斯文,點知內裏原來咁open,呢d,先係話題丫嘛。而呢樣野,唔關結左婚未既事,因為全香港男人都以為一個外表小鳥依人的女人走在街上跟躺在床上的行為會好一致,見到呢d新奇事,點會唔好奇,好奇,就自然想講下架啦。

你話香港既性教育係咪失敗丫,淨係教人分辨性器官,心理一d都唔教。

C.M. said...

肥龍兄:

難明。今Derek兄提示該有始作俑者,原來牛需要飲水。

Blah:

無原則,都唔係既。都係因為求知慾強遮。

Derek:

綜合你既答案,應該包括:-

口痕友帶起左 - 行先衰先/創新者
羞於啟齒既人埋堆 - 趨炎附勢/你動議我和議
新奇事,點會唔好奇 - 人之初/性相近
性教育失敗 - 社會既錯/父母之過

Derek said...

cm:

冇錯

你張假銀紙,都幾語帶雙關啵

C.M. said...

Derek:

輪到小弟唔明你講咩勒。果篇因為我曾幾何時收到一張假人民幣(仲係十蚊紙!),所以有感而發遮。

Derek said...

冇野,睇o來係我諗多左喇,haha

Anonymous said...

唉...

老細一返香港就要睇相, 仲連夜急CALL小9要相, 生怕小9忘記OR班唔到比佢...

C.M. said...

Derek:

我諗你都係未識分辨假銀紙架勒。 ;)

On 兄:

若果我係你早就比人激死左。你真係好勁。

seikomatic said...

(1)增加同事之間既溝通了解,
(2)打破同事之間工作之外既隔閡,
(3)盈聚同事間的共識,
(4)營造同事間的討論氣氛,表達意願,
(5)打造強烈的團隊精神,
(6)抽出比較咸濕既同事。

功在千古,曠世典範。

C.M. said...

唉。若果可以令人團結向“好”咁容易,就一天都光哂。

VC said...

學術/新聞研究o麻。

Ha Ha

C.M. said...

今日我呢度仲聽到有新研究呀。