Saturday, August 09, 2008

一個爸爸的樣子













小女孩和另一位小姐姐玩耍正酣,小女孩突然轉身掉到地上,大叫。爸爸走往如常輕拍小女孩:沒事沒事。

轉身抱起,翻身,便看見她的下巴原來開了一個血湖泊。爸爸馬上抱起小女孩找來職員取急救包,職員替爸爸打了電話叫救護車。

爸爸沒有理會身邊的路人甲乙丙,也沒有理會自己的吼叫有多吵,只管軟硬兼施、旁若無人的盡力平復小女孩高漲的情緒。

職員遞上了藥棉,爸爸按壓著出血的傷口,正努力地遏制小女孩的掙扎,也正努力地遏制自己的恐懼。此刻最需要的,是極權和武力。

原來的恍似永恒,因著盼望,使瞳孔再次放鬆。血湖泊已乾枯,被熒光燈照耀出鮮紅的山谷。

因為小女孩的失措,爸爸唯有聽從救護員的指示,上了平生首課的傷口料理班。然後抱著小女孩同往薄扶林。小女孩在車上睡著了。心情平復了許多的爸爸,從護理員的目光看得出,小女孩的血湖泊以他們出生入死的經驗,份屬家常。今天強拉了三位救護員吃了這頓便飯,爸爸實在有點歉意。

院護士讓父女等了一句半鐘,爸爸便知道自己是幸運的,所以還很有耐心的等。如果不用等,爸爸應該早已急性腦溢血。

以為最壞的已經悄悄渡過,更大的難關還有後頭。

醫生說,要縫針。然後一對一男一女的年輕護理員,著爸爸抱著小女孩到手術室,安頓好小女孩,在外面稍等。爸爸的叮嚀換來年輕人們的安慰,畢竟,年輕人們對於受傷小孩子們的呼叫掙扎,比當了兩年的爸爸熟練多了。此刻最需要的,是狠心和技術。

這位爸爸,今天這兩種需要都不能提供。

小女孩在裏面傳來的淒涼的呼叫聲、爸爸、爸爸、爸爸,這種聲音,這種爸爸,不忍,也在呼叫這種淒涼。際此,這個爸爸已經不能再描述自己的樣子。

這樣,一個不足三歲的小女孩今天就縫了四針。
*******************
Da:不如你又看看魔術哥哥如何努力

47 comments:

Anonymous said...

哎唷!陰公囉

ah-yun said...

好慘呀。:(

Justin said...

保重呀。

Betty said...

我细嗰跌亲下巴都缝过几针哦! 放心啦, 无野架.

英倫肥龍 said...

心痛死啦~

Samsara said...

我好肉痛呀!

CM哥哥你係咪都好驚呀,睇你篇文最先既情節,令我諗起六四呀...無事無事,唔駛擔心。

Gideon said...

心痛死囉...

不過細路女跌低雙手唔識放前(雖然我又唔係好似佢點跌),係咪應該要 check 吓架?

Blogger70th Floor said...

心痛心痛

Betty said...

鎚,

我细个都系甘跌, 试过两次添, 一时之间真系赶不切将手放前架.

C.M. said...

Peter:

唉,雖然我地家族都有鋪「縫針癮」,但估唔到呢家野會遺傳既。

云阿云:

阿女同我琴日成日都唔多起勁,今日先好番d,慘呀慘。

Justin:

多謝。要保多兩日先掂。

小瓶子:

個救護員都同我咁講,不過係拆線前又要小心翼翼囉。

龍兄:

嗚,呢個係放任既代價。我諗我要review 一下我呢種政策囉。

香妹:

鎖你,要令你憂心。我諗番都唔知係咪驚,我淨係覺得好緊張。依家精神仲有d綳綳緊。

鎚哥哥:

雖然我冇親眼睇到成個過程,不過佢起身前係雙手向前既。我估佢可能係跌之前被硬物刮到,但係現場真係唔覺有咩利器囉,所以我先咁放心比佢周圍走。頂多係同佢玩果個小姐姐手上有硬物我唔知遮。不過算啦,小朋友玩,都係...總之,唉。

危樓姐姐:

心痛之餘,仲幾乎心力衰竭。(拆線前好多禁忌,沖涼又要好小心,唔濕得水)

小瓶子:

無錯無錯。兩歲人仔真係好容易跌,成日跑跳碰,做人老豆真係要金睛火眼。(我都準備好比人話唔負責任架勒)

C.M. said...

又:

其實琴日仲有好幾個職員好積極咁幫我,仲幫我tum呀女同按壓傷口,所以都好感謝佢地。

Derek said...

今次有冇俾人問你係咪工作不如意﹖

seikomatic said...

唔怕啦,仲系咁靚女。

選港姐果時記住力番呢張相出泥。

Morca said...

偶的心考庝

Anonymous said...

>我地家族都有鋪「縫針癮」

oh! I know that certain things do run in the family but didn't expect this is genetic as well!! whatelse did you do when you were a kid? I think you better make a checklist!!

Anonymous said...

應該讓你陪小朋友嘛,陰功。

P.S. 好可愛的相片

C.M. said...

Derek:

哈哈哈,今次冇,不過輪流比人問過呢個係咪你個女遮。。。 :)

精工:

你個comment過多兩年要剷左佢,費事比個女見到,讚壞曬。(係咪選既時候可以攞黎證明冇整過容呢?)

Morca!

抱歉,辛苦曬。(唔通你又比精工傳染左?)

P.E.T.E.R.:

Ha, bright idea! Do I need to customize this checklist to fit YOUR situation as well? *_^

Well... eyebrow (x2)... forehead (xN)... throat (x1)... and arms+legs+abdomen...here comes new, chin (x1)...

(Irrationally and illogically correlating this to that is what an HR PROfessional must be fond of.)

阿四媽:

係呀係呀,好鬼陰功(以後見佢同其他小朋友玩都要睇實d)。拆線前真係要就曬佢讓曬佢聽曬佢話... (仲陰功)

d相呢,查實係見佢咁,想舒緩一下,所以帶佢出去影。(影左百幾幅架查實)

Hana said...

唔好俾佢食海鮮同埋所有有豉油嘅野吖!切記!

L L said...

跌跌碰碰走出人生,女女還在笑,就得喇!

C.M. said...

冰冰:

多謝你提醒呀!(係個女面前連我都要戒)

風校長:

起起伏伏步入中年,兩兒還在笑,就夠喇!(多謝你提醒!)

K said...

陰功囉!跌成咁, 又痛又要縫了四針。俾姐姐抱抱先!

我驚Da Da破相, 何止選唔到港姐, 將來可能會搵唔到男朋友呀!

>>唔好俾佢食海鮮同埋所有有豉油嘅野吖

點止呀!仲有:
1. 戒食鴨, 鵝, 榴槤, 芒果, 菠蘿和竹筍等呢d濕毒等食物。
2. 傷口位置有汗一定要抹。
3. 傷口唔好掂水。
否則會有疤痕唔靚o架(到時用"疤x敵"除疤都未必咁好呀)!

Anonymous said...

"將來可能會搵唔到男朋友呀!"

嘿!

Marshmallow said...

哎唷!陰公囉...

不過可憐既唔係Dada,佢都唔識驚選唔到港姐,又唔識驚搵唔到男朋友.一陣間就唔鬼記得痛.

小女子可憐既,係佢個廿四孝老豆 :-P

Derek Greyhound said...

陰功,祝小女孩早日康復。

看到小孩子如此可愛,真的甚麼煩惱也全消,很羨慕,祝福你們家人!

Elvis said...

感觸。

L L said...

>>起起伏伏步入中年,兩兒還在笑,就夠喇!

哈哈,c.m.兄,很爽很快的回應,真的睿智!

C.M. said...

Karen:

下?乜咁多野要戒?我琴日仲比左d帶子佢食添。(哎呀,係咪算海鮮?)

疤痕既野,依家唔諗住lu。(唔知點解,我次次講親呢句都比人鬧)最緊要健康。

過路人:

多謝探頭小店。我都係咁話:嘿。(有冇男友關我咩事?)

綿綿:

真係中。依家佢完全唔記得曾經痛到湯朱咁叫,弊傢伙。(嗚嗚,終於有人可憐我勒,我出post都係為左你呢句...)

大力哥哥:

多謝你!也衷心祝福你和你一家。

Elvis:

咁你係時候自揭瘡疤勒...

風校長:

哪裏哪裏。小弟堆堆砌砌罷了。

K said...

更正: 係怕無男朋友吼!

阿哥阿哥, 唔駛咁愁喎!小孩子唔跌, 就唔知痛o架!

K said...

阿哥, 您唔知我的字裡行間有隱含可憐您呢個意思?

Anonymous said...

>Do I need to customize this checklist to fit YOUR situation as well? *_^

just learn-ed a Carsonalistic Chinglish lesson. wait me exercise one down... if u enough guts so do, i'll have you extinguish-ed mouth! haha!!

wa! round come Chinglish vely difficult

C.M. said...

Karen:

係呀,我好可憐架都...嗚嗚...唔該抱抱丫。

P.E.T.E.R.:

Haha, that's Cranolistic! I know I know!

Errr... u want I extinguish mouth, I zip mouth law. (Dun pay me, diff fic co)

(BTW, when you talked about "me exercise one down", I am thinking if you are actually the one who..., are you?)

Anonymous said...

小小疤痕啫...濕濕碎啦~ 依然都係可人兒!

家族入邊有邊個因為有疤痕而揾唔到男/女朋友吖? 無呀嘛, right? hoho :D

話時話...點解我次次都唔駛縫針嘅?! (你話嘅 eyebrow x2...無計我吖嗎? 睇怕真係要整個list先得喇@_@)

Anonymous said...

無事無事。小朋友長大後疤痕會看不清楚的,她自己也可能不會記得這件事。阿包也撞穿過頭,在醫院被醫生用釘書機釘了兩口釘書釘。(仲係我要按實佢個頭,冇麻藥下釘的)

s-pig said...

aiya...好肉赤呀...

Elvis said...

我只是想起:

Sex does not turn a boy into a man. Marriage does.

C.M. said...

三姑...妹:

可人兒就一定架勒!(哼,難道你敢話唔係!)疤痕都唔係一回事,不過差d爆血管law。

乜你都有咩?真係唔知播。條scar list真係水蛇春咁長。

讀食妹妹:

佢吖,出左手術室唔夠十分鐘就好似已經回復本性喇。阿包都試過?仲用釘書釘!!之後點拆出黎呀?

有次我自己唔小心,比釘書釘插入拇指,唔痛。擝番出黎d血就巴巴聲咁流。之後我知道自己就算幾好成績都做唔到醫生。

S-Pig妹:

唉,個心真係嗱住嗱住~~

Elvis:

Um...(沉思)You are such a good boy... (認真)

又,點解你呢次著黑皮嬲既?

Anonymous said...

am i?

;)

Anonymous said...

咁禮拜即場做番個 List 先~

Elvis said...

年紀不算 boy 了......但對於要背負起一個重責, 還是很 boy......起碼還想四處飛, 不停下來。

(果張相畀人鬧, 又轉返了)

怒火眼睛 said...

哥, 我好傻呀, 讀到標眼淚...

C.M. said...

P.E.T.E.R.:

o_O||

Sure... not. (zipzip)

三姑...妹:

喂,果日耳目眾多呀。

Elvis:

理解理解... 咁又係既,相比Marriage,Sex都唔算係一個重責丫(係,我係戾橫折曲)。

(呢張相咪幾養眼,雖則果張呢,幾有學術味道;又,祝你心想事成,想降落既時候就隨時都落得地喇)

怒眼妹:

我呢~ 就呢~~ 自己一直好努力咁控制住呢種情緒,怕呢~~ 咁呢~~~ 至少最難捱果刻都已經渡過左~ 果兩件血衣,都處理左~ 偶柯夫西t

阿妹,唏,你睇下我個女幾開心!(多謝。)

野蠻九龍女 said...

心痛 x 10000000
但見佢行得走得, 仲甘爽利. 應該無咩陰影
有陰影都係大人.

C.M. said...

九龍媽:

>>有陰影都係大人

真係中曬。

篤篤篤撐 said...

原來你又有個女 ? 幾大 ?
我個靚女,6歲

C.M. said...

My God!篤撐兄,我還以為你單身!

我條o靚妹,兩歲半。(仲有條o靚仔,就快一個月)

篤篤篤撐 said...

My God!篤撐兄,我還以為你單身!
>>>
如果其它女都o甘以為, 就發達了

就快一個月既bb....弓喜 !!!!!!

C.M. said...

篤撐兄,

>>就發達了

哈,你放心!從你自爆開始,已經冇得諗喇。