一個爸爸的樣子
小女孩和另一位小姐姐玩耍正酣，小女孩突然轉身掉到地上，大叫。爸爸走往如常輕拍小女孩：沒事沒事。
轉身抱起，翻身，便看見她的下巴原來開了一個血湖泊。爸爸馬上抱起小女孩找來職員取急救包，職員替爸爸打了電話叫救護車。
爸爸沒有理會身邊的路人甲乙丙，也沒有理會自己的吼叫有多吵，只管軟硬兼施、旁若無人的盡力平復小女孩高漲的情緒。
職員遞上了藥棉，爸爸按壓著出血的傷口，正努力地遏制小女孩的掙扎，也正努力地遏制自己的恐懼。此刻最需要的，是極權和武力。
原來的恍似永恒，因著盼望，使瞳孔再次放鬆。血湖泊已乾枯，被熒光燈照耀出鮮紅的山谷。
因為小女孩的失措，爸爸唯有聽從救護員的指示，上了平生首課的傷口料理班。然後抱著小女孩同往薄扶林。小女孩在車上睡著了。心情平復了許多的爸爸，從護理員的目光看得出，小女孩的血湖泊以他們出生入死的經驗，份屬家常。今天強拉了三位救護員吃了這頓便飯，爸爸實在有點歉意。
院護士讓父女等了一句半鐘，爸爸便知道自己是幸運的，所以還很有耐心的等。如果不用等，爸爸應該早已急性腦溢血。
以為最壞的已經悄悄渡過，更大的難關還有後頭。
醫生說，要縫針。然後一對一男一女的年輕護理員，著爸爸抱著小女孩到手術室，安頓好小女孩，在外面稍等。爸爸的叮嚀換來年輕人們的安慰，畢竟，年輕人們對於受傷小孩子們的呼叫掙扎，比當了兩年的爸爸熟練多了。此刻最需要的，是狠心和技術。
這位爸爸，今天這兩種需要都不能提供。
小女孩在裏面傳來的淒涼的呼叫聲、爸爸、爸爸、爸爸，這種聲音，這種爸爸，不忍，也在呼叫這種淒涼。際此，這個爸爸已經不能再描述自己的樣子。
這樣，一個不足三歲的小女孩今天就縫了四針。
轉身抱起，翻身，便看見她的下巴原來開了一個血湖泊。爸爸馬上抱起小女孩找來職員取急救包，職員替爸爸打了電話叫救護車。
爸爸沒有理會身邊的路人甲乙丙，也沒有理會自己的吼叫有多吵，只管軟硬兼施、旁若無人的盡力平復小女孩高漲的情緒。
職員遞上了藥棉，爸爸按壓著出血的傷口，正努力地遏制小女孩的掙扎，也正努力地遏制自己的恐懼。此刻最需要的，是極權和武力。
原來的恍似永恒，因著盼望，使瞳孔再次放鬆。血湖泊已乾枯，被熒光燈照耀出鮮紅的山谷。
因為小女孩的失措，爸爸唯有聽從救護員的指示，上了平生首課的傷口料理班。然後抱著小女孩同往薄扶林。小女孩在車上睡著了。心情平復了許多的爸爸，從護理員的目光看得出，小女孩的血湖泊以他們出生入死的經驗，份屬家常。今天強拉了三位救護員吃了這頓便飯，爸爸實在有點歉意。
院護士讓父女等了一句半鐘，爸爸便知道自己是幸運的，所以還很有耐心的等。如果不用等，爸爸應該早已急性腦溢血。
以為最壞的已經悄悄渡過，更大的難關還有後頭。
醫生說，要縫針。然後一對一男一女的年輕護理員，著爸爸抱著小女孩到手術室，安頓好小女孩，在外面稍等。爸爸的叮嚀換來年輕人們的安慰，畢竟，年輕人們對於受傷小孩子們的呼叫掙扎，比當了兩年的爸爸熟練多了。此刻最需要的，是狠心和技術。
這位爸爸，今天這兩種需要都不能提供。
小女孩在裏面傳來的淒涼的呼叫聲、爸爸、爸爸、爸爸，這種聲音，這種爸爸，不忍，也在呼叫這種淒涼。際此，這個爸爸已經不能再描述自己的樣子。
這樣，一個不足三歲的小女孩今天就縫了四針。
*******************
Da：不如你又看看魔術哥哥如何努力？
47 comments:
哎唷!陰公囉
好慘呀。:(
保重呀。
我细嗰跌亲下巴都缝过几针哦! 放心啦, 无野架.
心痛死啦~
我好肉痛呀!
CM哥哥你係咪都好驚呀,睇你篇文最先既情節,令我諗起六四呀...無事無事,唔駛擔心。
心痛死囉...
不過細路女跌低雙手唔識放前(雖然我又唔係好似佢點跌)，係咪應該要 check 吓架？
心痛心痛
鎚,
我细个都系甘跌, 试过两次添, 一时之间真系赶不切将手放前架.
Peter:
唉，雖然我地家族都有鋪「縫針癮」，但估唔到呢家野會遺傳既。
云阿云：
阿女同我琴日成日都唔多起勁，今日先好番d，慘呀慘。
Justin：
多謝。要保多兩日先掂。
小瓶子：
個救護員都同我咁講，不過係拆線前又要小心翼翼囉。
龍兄：
嗚，呢個係放任既代價。我諗我要review 一下我呢種政策囉。
香妹：
鎖你，要令你憂心。我諗番都唔知係咪驚，我淨係覺得好緊張。依家精神仲有d綳綳緊。
鎚哥哥：
雖然我冇親眼睇到成個過程，不過佢起身前係雙手向前既。我估佢可能係跌之前被硬物刮到，但係現場真係唔覺有咩利器囉，所以我先咁放心比佢周圍走。頂多係同佢玩果個小姐姐手上有硬物我唔知遮。不過算啦，小朋友玩，都係...總之，唉。
危樓姐姐：
心痛之餘，仲幾乎心力衰竭。（拆線前好多禁忌，沖涼又要好小心，唔濕得水）
小瓶子：
無錯無錯。兩歲人仔真係好容易跌，成日跑跳碰，做人老豆真係要金睛火眼。（我都準備好比人話唔負責任架勒）
又：
其實琴日仲有好幾個職員好積極咁幫我，仲幫我tum呀女同按壓傷口，所以都好感謝佢地。
今次有冇俾人問你係咪工作不如意﹖
唔怕啦，仲系咁靚女。
選港姐果時記住力番呢張相出泥。
偶的心考庝
>我地家族都有鋪「縫針癮」
oh! I know that certain things do run in the family but didn't expect this is genetic as well!! whatelse did you do when you were a kid? I think you better make a checklist!!
應該讓你陪小朋友嘛，陰功。
P.S. 好可愛的相片
Derek：
哈哈哈，今次冇，不過輪流比人問過呢個係咪你個女遮。。。 :)
精工：
你個comment過多兩年要剷左佢，費事比個女見到，讚壞曬。（係咪選既時候可以攞黎證明冇整過容呢？）
Morca！
抱歉，辛苦曬。（唔通你又比精工傳染左？）
P.E.T.E.R.：
Ha, bright idea! Do I need to customize this checklist to fit YOUR situation as well? *_^
Well... eyebrow (x2)... forehead (xN)... throat (x1)... and arms+legs+abdomen...here comes new, chin (x1)...
(Irrationally and illogically correlating this to that is what an HR PROfessional must be fond of.)
阿四媽：
係呀係呀，好鬼陰功（以後見佢同其他小朋友玩都要睇實d）。拆線前真係要就曬佢讓曬佢聽曬佢話... （仲陰功）
d相呢，查實係見佢咁，想舒緩一下，所以帶佢出去影。（影左百幾幅架查實）
唔好俾佢食海鮮同埋所有有豉油嘅野吖！切記！
跌跌碰碰走出人生，女女還在笑，就得喇！
冰冰：
多謝你提醒呀！（係個女面前連我都要戒）
風校長：
起起伏伏步入中年，兩兒還在笑，就夠喇！（多謝你提醒！）
陰功囉!跌成咁, 又痛又要縫了四針。俾姐姐抱抱先!
我驚Da Da破相, 何止選唔到港姐, 將來可能會搵唔到男朋友呀!
>>唔好俾佢食海鮮同埋所有有豉油嘅野吖
點止呀!仲有:
1. 戒食鴨, 鵝, 榴槤, 芒果, 菠蘿和竹筍等呢d濕毒等食物。
2. 傷口位置有汗一定要抹。
3. 傷口唔好掂水。
否則會有疤痕唔靚o架(到時用"疤x敵"除疤都未必咁好呀)!
"將來可能會搵唔到男朋友呀!"
嘿！
哎唷!陰公囉...
不過可憐既唔係Dada,佢都唔識驚選唔到港姐,又唔識驚搵唔到男朋友.一陣間就唔鬼記得痛.
小女子可憐既,係佢個廿四孝老豆 :-P
陰功，祝小女孩早日康復。
看到小孩子如此可愛，真的甚麼煩惱也全消，很羨慕，祝福你們家人！
感觸。
>>起起伏伏步入中年，兩兒還在笑，就夠喇！
哈哈，c.m.兄，很爽很快的回應，真的睿智！
Karen：
下？乜咁多野要戒？我琴日仲比左d帶子佢食添。（哎呀，係咪算海鮮？）
疤痕既野，依家唔諗住lu。（唔知點解，我次次講親呢句都比人鬧）最緊要健康。
過路人：
多謝探頭小店。我都係咁話：嘿。（有冇男友關我咩事？）
綿綿：
真係中。依家佢完全唔記得曾經痛到湯朱咁叫，弊傢伙。（嗚嗚，終於有人可憐我勒，我出post都係為左你呢句...）
大力哥哥：
多謝你！也衷心祝福你和你一家。
Elvis：
咁你係時候自揭瘡疤勒...
風校長：
哪裏哪裏。小弟堆堆砌砌罷了。
更正: 係怕無男朋友吼!
阿哥阿哥, 唔駛咁愁喎!小孩子唔跌, 就唔知痛o架!
阿哥, 您唔知我的字裡行間有隱含可憐您呢個意思?
＞Do I need to customize this checklist to fit YOUR situation as well? *_^
just learn-ed a Carsonalistic Chinglish lesson. wait me exercise one down... if u enough guts so do, i'll have you extinguish-ed mouth! haha!!
wa! round come Chinglish vely difficult
Karen：
係呀，我好可憐架都...嗚嗚...唔該抱抱丫。
P.E.T.E.R.：
Haha, that's Cranolistic! I know I know!
Errr... u want I extinguish mouth, I zip mouth law. (Dun pay me, diff fic co)
(BTW, when you talked about "me exercise one down", I am thinking if you are actually the one who..., are you?)
小小疤痕啫...濕濕碎啦~ 依然都係可人兒!
家族入邊有邊個因為有疤痕而揾唔到男/女朋友吖? 無呀嘛, right? hoho :D
話時話...點解我次次都唔駛縫針嘅?! (你話嘅 eyebrow x2...無計我吖嗎? 睇怕真係要整個list先得喇@_@)
無事無事。小朋友長大後疤痕會看不清楚的，她自己也可能不會記得這件事。阿包也撞穿過頭，在醫院被醫生用釘書機釘了兩口釘書釘。(仲係我要按實佢個頭，冇麻藥下釘的)
aiya...好肉赤呀...
我只是想起:
Sex does not turn a boy into a man. Marriage does.
三姑...妹：
可人兒就一定架勒！（哼，難道你敢話唔係！）疤痕都唔係一回事，不過差d爆血管law。
乜你都有咩？真係唔知播。條scar list真係水蛇春咁長。
讀食妹妹：
佢吖，出左手術室唔夠十分鐘就好似已經回復本性喇。阿包都試過？仲用釘書釘！！之後點拆出黎呀？
有次我自己唔小心，比釘書釘插入拇指，唔痛。擝番出黎d血就巴巴聲咁流。之後我知道自己就算幾好成績都做唔到醫生。
S-Pig妹：
唉，個心真係嗱住嗱住～～
Elvis：
Um...（沉思）You are such a good boy... （認真）
又，點解你呢次著黑皮嬲既？
am i?
;)
咁禮拜即場做番個 List 先~
年紀不算 boy 了......但對於要背負起一個重責, 還是很 boy......起碼還想四處飛, 不停下來。
(果張相畀人鬧, 又轉返了)
哥, 我好傻呀, 讀到標眼淚...
P.E.T.E.R.:
o_O||
Sure... not. (zipzip)
三姑...妹：
喂，果日耳目眾多呀。
Elvis：
理解理解... 咁又係既，相比Marriage，Sex都唔算係一個重責丫（係，我係戾橫折曲）。
（呢張相咪幾養眼，雖則果張呢，幾有學術味道；又，祝你心想事成，想降落既時候就隨時都落得地喇）
怒眼妹：
我呢～ 就呢～～ 自己一直好努力咁控制住呢種情緒，怕呢～～ 咁呢～～～ 至少最難捱果刻都已經渡過左～ 果兩件血衣，都處理左～ 偶柯夫西t
阿妹，唏，你睇下我個女幾開心！（多謝。）
心痛 x 10000000
但見佢行得走得, 仲甘爽利. 應該無咩陰影
有陰影都係大人.
九龍媽：
＞＞有陰影都係大人
真係中曬。
原來你又有個女 ? 幾大 ?
我個靚女,6歲
My God！篤撐兄，我還以為你單身！
我條o靚妹，兩歲半。（仲有條o靚仔，就快一個月）
My God！篤撐兄，我還以為你單身！
>>>
如果其它女都o甘以為, 就發達了
就快一個月既bb....弓喜 !!!!!!
篤撐兄，
＞＞就發達了
哈，你放心！從你自爆開始，已經冇得諗喇。
Post a Comment